Shameel Mohammed

സമാധാനവും സന്തോഷവും നിറഞ്ഞ ഒരു ജീവിതത്തിന് എന്തെല്ലാം ആവശ്യമാണോ അതിലെല്ലാം നമ്മൾ അതീവ താൽപര്യത്തോടുകൂടി പരിശ്രമിക്കാറുണ്ട്.

പണം നമ്മുടെ ജീവിതത്തിന് അനുകൂലമായ പല കാര്യങ്ങളും നേടിത്തരുന്നതാണ്.

അത്കൊണ്ട് പണത്തിന് വേണ്ടി എന്തെല്ലാം വഴികളുണ്ടോ അതെല്ലാം നേടുന്നവരും , ശരീരവും മനസ്സും മറന്ന് അതിന് വേണ്ടി അദ്ധ്വാനിക്കുന്നവരുമാണ് നമ്മളിൽ ഏവരും.

ജീവിതത്തിലെ അനുകൂല സാഹചര്യം ഉണ്ടാക്കാൻ വേണ്ടി നമ്മൾ പരിശ്രമിക്കാറുണ്ട്.

പക്ഷെ,

എല്ലാം നമുക്ക് അനുഭവിക്കുവാനും ആസ്വദിക്കുവാനുമുള്ള ഒരു മനസ്സാണ് ആവശ്യം.

ഒരു നല്ല മാനസീകാവസ്ഥയെ വിശുദ്ധ ഖുർആൻ വിശേഷിപ്പിക്കുന്നത് إنْشِرَاحُ الصَدر ആണ്.

അതിന്റെ മലയാളത്തിലുള്ള അർത്ഥം വിശാലവുമാണ്.

സന്തോഷം നിറഞ്ഞ, സംതൃപ്തി നിറഞ്ഞ, വലിയ ധൈര്യം ലഭിക്കുന്ന, അതേ പോലെത്തന്നെ വെളിച്ചം നിറഞ്ഞ ഒരു മാനസികാവസ്ഥക്കാണ് إنْشِرَاحُ الصَدر എന്ന് പറയുന്നത്.

ജീവിതത്തിന്റെ ഏത് സന്ദർഭങ്ങളിലും അത്തരം ഒരു മാനസീകാവസ്ഥ കെടാതെ നിലനിർത്തിക്കൊണ്ടുപോകാൻ പരിശ്രമിച്ചാൽ നമ്മുടെ എല്ലാ രാപ്പകലുകളും ഏത് പ്രായത്തിലും, ഏത് സമയത്തിലും, രോഗം ഉണ്ടാകുമ്പോഴും , രോഗം ഇല്ലാത്തപ്പോഴും ജീവിത്തിലെ ഏത് സാഹചര്യത്തിലും നമുക്ക് സന്തോഷകരമായ ഒരു അവസ്ഥ മുന്നോട്ട് കൊണ്ട് പോകാൻ കഴിയുമെന്നതാണ് ആ ഒരു മാനസീകാവസ്ഥയുടെ പ്രത്യേകത.

 ജീവിതത്തിൽ എപ്പോഴും പ്രതിസന്ധി നിറഞ്ഞ ഒരു യാത്രക്ക് ഒരുങ്ങുമ്പോൾ മൂസ നബി (അ) അല്ലാഹുവിനോട് ചോദിച്ചത്

 رَبِّ ٱشۡرَحۡ لِی صَدۡرِی

എന്നാണ്.

എന്റെ മനസ്സിന് ഒരു إنشراح ഒരു വിശാലത, ഒരു സന്തോഷം, ഒരു ആത്മധൈര്യം, അതൊക്കെ എനിക്ക് നൽകണേ എന്നാണ്.

ഫിർഔനുമായി നേരിടാൻ പോകുമ്പോഴും ആ പ്രതികൂലാവസ്ഥ മനസ്സിനെ ഒരിക്കലും സ്വാധീനിക്കാതെ, മനസ്സിന്റെ സമനില തെറ്റിക്കാതെ, മനസ്സിനെ അധൈര്യപ്പെടുത്താതെ, അസ്വസ്ഥതപ്പെടുത്താതെ മനസ്സ് നിലനിർത്തി മൂസാ നബി (അ).

അങ്ങനെ നിലനിന്നാൽ ജീവിതത്തിൽ എപ്പോഴും നമ്മൾ സന്തോഷവാന്മാരായിരിക്കും.

ജീവിതത്തിൽ ഏറ്റവും കൂടുതൽ വേദനകളും പ്രയാസങ്ങളും അനുഭവിക്കുന്ന വ്യക്തി എപ്പോഴും സന്തോഷവാനായി കാണുന്നു!!!

പ്രത്യേകിച്ച് ഒരു പ്രശ്നവുമില്ലാത്ത, ആരോഗ്യപരമായിട്ടോ, സാമ്പത്തികപരമായിട്ടോ, ഒരു പ്രശനവുമില്ലാത്ത ഒരാൾ ഒരു മാരകരോഗം ബാധിച്ചവനെപ്പോലെ അസ്വസ്ഥനായിക്കാണുന്നു.

അപ്പോൾ ഇതൊന്നും രോഗങ്ങളെന്നോ ഭൗതീക കാരണങ്ങളുമായോ ബന്ധപ്പെട്ടതല്ല.

മനസ്സുമായി മാത്രം ബന്ധപ്പെട്ട ഒന്നാണ്.

നബി (സ) ക്ക് പ്രതികൂലമായ സാഹചര്യങ്ങളെ അതിജീവിക്കുവാൻ വേണ്ടി അല്ലാഹു പ്രവാചകന് നൽകിയ ഏറ്റവും വലിയ അനുഗ്രഹമായിട്ട് ഖുർആനിൽ എടുത്ത് പറയുന്നത് കാണാൻ സാധിക്കും.

أَلَمۡ نَشۡرَحۡ لَكَ صَدۡرَكَ

നിനക്ക് നിന്റെ മനസ്സിനെ നാം വിശാലമാക്കിത്തന്നില്ലെയൊ?

എന്നാണ് അല്ലാഹു ചോദിക്കുന്നൊരു ചോദ്യം.

പ്രിയപ്പെട്ടവരെ,

എന്ത്കൊണ്ട് അങ്ങനെത്തൊരു മാനസീകാവസ്ഥക്ക് വേണ്ടി പരിശ്രമിച്ച് കൂട.

ഈയൊരു മനസ്സിനെ നിലനിർത്താൻ 10 കാര്യങ്ങൾ ജീവിതത്തിൽ പ്രാവർത്തികമാക്കിയാൽ സന്തോഷകരമായ ജീവിതം നയിക്കാം.

ഖുർആനും ഹദീസും ചേർത്ത് കൊണ്ടുള്ള 10 കാര്യങ്ങളായത് കൊണ്ട് തന്നെ ജീവിത സന്തോഷം ഇരട്ടിയാക്കാൻ സാധിക്കും.

ഈ പത്ത് കാര്യങ്ങൾ വിശാലമാണെങ്കിലും പലതും നമ്മുടെ മനസ്സിനെ ഓർമ്മപ്പെടുത്തിപ്പോകുന്നതാണ്.

ഒരുപക്ഷെ ഒരു പരിശ്രമം നമ്മളേവരും നടത്തിയാൽ ഇന്നത്തെ പകലിനേക്കാളും സന്തോഷകരമായ ഒരു പകലായി നാളെത്തെ പകലുകൾ മാറിയേക്കാം..

പ്രതികൂലവും അതുപോലെത്തന്നെ വിഷമരവുമായ എന്തൊക്കെ അവസ്ഥകൾ ഉണ്ടെങ്കിലും ഒരുപക്ഷെ നമുക്കത് മാറ്റാൻ കഴിഞ്ഞേക്കാം.

ഒന്നാമത് അല്ലാഹുവിന് വേണ്ടി ജീവിക്കുക.

تَوْحِيدُ الله وإخْلَاصُ الدِّينِ لهُ

എല്ലാ നന്മകളും പടച്ചവന്റെ കൂലിക്ക് വേണ്ടി മാത്രം ചെയ്യുക.

മഹാനായ ഒരു പണ്ഡിതൻ പറഞ്ഞു: നീ നല്ല നമസ്ക്കാരവും നോമ്പുമൊക്കെ എടുക്കുമ്പോൾ നീ നല്ല പ്രവർത്തനങ്ങൾ ചെയ്യുന്നുണ്ടല്ലോ, നീ നല്ലൊരു മനുഷ്യനാണല്ലോ എന്ന് പറഞ്ഞാൽ പിന്നെ നിന്റെ പ്രവർത്തനങ്ങൾ അവർക്ക് വേണ്ടിയായിരിക്കാം.

അപ്പോൾ നീ ആരാധിക്കുന്നത് അവരെയാണെങ്കിൽ

നല്ല സ്വദഖ ചെയ്യുന്ന ഒരാളോട് നീ നല്ല പ്രവർത്തനങ്ങളൊക്കെ ചെയ്യുന്നുണ്ടല്ലോ. നീ നല്ല മനുഷ്യനാണല്ലോ.

എന്ന് പറയുന്നതോടുകൂടി അയാളുടെ മനസ്സ് മാറി എന്നാണ്.

അത് വരെ സ്വദഖ ചെയ്തത് അല്ലാഹുവിന്റെ പ്രതിഫലം കിട്ടാനാണെങ്കിൽ അത് പറഞ്ഞതോടുകൂടി സ്വദഖ ചെയ്യുന്നത് ജനങ്ങളുടെ നല്ല സംസാരങ്ങൾക്ക് വേണ്ടിയാണെങ്കിൽ,

നിന്റെ ആരാധന ജനങ്ങൾക്കായി എന്നാണ്.

അത്ര ഗൗരവമുള്ളതാണ്.

ജീവിതത്തിന്റെ എല്ലാ ലക്ഷ്യങ്ങളും അല്ലാഹുവിന്റെ തൃപ്തിക്ക് വേണ്ടിയാകേണ്ടതുണ്ട്.

ഇനി ഒരാൾ കുറ്റപ്പെടുത്തിയെങ്കിൽ നമ്മളെന്താ ചിന്തിക്കേണ്ടത്?

ഞാനൊരു തെറ്റും ചെയ്തിട്ടില്ല.

ഞാൻ അല്ലാഹുവിന്റെ നിയമത്തിന് എതിര് ചെയ്തിട്ടില്ല..

പിന്നെ എന്തിന് ഞാൻ ടെൻഷനടിക്കണം.

അങ്ങനെ ചിന്തിക്കുമ്പോഴെ إخلاص ആവുകയൊള്ളൂ.

എല്ലാം അല്ലാഹുവിൽ നിന്ന് പ്രതീക്ഷിക്കുക.

എന്ത് ബുദ്ധിമുട്ടും പ്രതിസന്ധിയും വന്നാലും …..

അത് എന്റെ റബ്ബിന് എന്റെ കാര്യത്തിൽ അങ്ങനൊരു തീരുമാനം ഉണ്ടാകും.

അതിലൊരു നന്മയുണ്ട്.

അങ്ങനെ ചിന്തിച്ചാൽ അതിനൊരു പരിഹാരമായി.

ഒരു തൗഹീദ് ഉള്ള ഒരാളാണെങ്കിൽ, അല്ലാഹുവിന് വേണ്ടി ജീവിക്കുന്ന ഒരാളാണെങ്കിൽ …..

പിന്നെ അവന്റെ മനസ്സ് അസ്വസ്ഥമാകില്ല.

وَمَا خَلَقۡتُ ٱلۡجِنَّ وَٱلۡإِنسَ إِلَّا لِیَعۡبُدُونِ

അല്ലാഹു അതിനാണ് നമ്മെ സൃഷ്ടിച്ചിട്ടുള്ളത്.

അല്ലാഹുവിനെ മാത്രം ആരാധിക്കുക.

അല്ലാഹുവിലേക്ക് മടങ്ങുക.

അല്ലാഹുവിലേക്ക് മാത്രം ലക്ഷ്യമാക്കുക.

അവന്റെ പ്രീതിക്ക് വേണ്ടി മാത്രം ജീവിക്കുക.

അവന്റെ മനസ്സിന് إنشراح ഉണ്ടാകുമെന്നാണ്.

അല്ലാഹു മനസ്സിന് വെളിച്ചം തരും

വെളിച്ചം കെട്ടാൽ ഇരുട്ടാണ് ഉണ്ടാകുക.

അപ്പോൾ അല്ലാഹു മനസ്സിലേക്ക് ഒരു വെളിച്ചം ഇട്ടു തരാമെന്നാണ്.

فإنّهُ يَشْرَبُ الصَّدر

وَهَذَا النُّورُ ونُورُ الإيمَان

ഈമാനിന്റെ ഒരു വെളിച്ചം ഉണ്ടാകുമെന്നാണ്.

വെളിച്ചം എന്ന് പറഞ്ഞാൽ അത് നമ്മളിൽ ഉണ്ടാക്കുന്ന സ്വാധീനം ചെറുതല്ല.

ഹാഫിള് ഇബ്നു റജബ് റഹ്മത്തുള്ള പറഞ്ഞു:

فالقَلْبُ الَّذِي دَخَلَهُ نُورُ الإيمان

വിശ്വാസത്തിന്റെയൊരു വെളിച്ചം മനസ്സിലേക്ക് കടന്നാൽ

وانْشَرَحَ بِهِ وانْفَسَح

മനസ്സ് വിശാലമാകുമെന്നാണ്.

സന്തോഷമാകുമെന്നാണ്.

يَسْكُن لِلْحَقّ

എപ്പോഴാണ് ആ വെളിച്ചം നമുക്കകത്ത് ഉണ്ട് എന്ന് മനസ്സിലാകാ എന്നറിയോ?

എന്തെങ്കിലും നന്മകൾ ചെയ്യുമ്പോൾ

ويَطْمَئِنَّ بِه

അവന്റെ ഹൃദയത്തിന് ഭയങ്കരമായ സന്തോഷം ലഭിക്കും

എന്തെങ്കിലും ഒരു തെറ്റ്.

വെളിച്ചമുള്ള മാനസീകാവസ്ഥയ്ക്ക് അങ്ങനെയൊരു തെറ്റ് ചെയ്യാൻ കഴിയില്ല എന്നാണ്.

തെറ്റ് ചെയ്താൽ അത്കൊണ്ട് അയാൾ വല്ലാതെ മന:പ്രയാസപ്പെടും.

ഇങ്ങനെത്തൊരു വെളിച്ചം അല്ലാഹു നമ്മുടെ മനസ്സിലേക്ക് തരുമെന്നാണ്.

ആ വെളിച്ചം കിട്ടിക്കഴിഞ്ഞാൽ അയാൾക്ക് പിന്നെ ഒന്നും പേടിക്കാനില്ല.

ഏത് പ്രതികൂല സാഹചര്യവും ഏത് വിഷമരകരമായ സാഹചര്യവും അയാൾ നിലനിന്ന് പോകുമെന്നാണ്.

تَحْسِيلُ عِلمُ النَّافِع .3

നല്ല വിവരങ്ങൾ ശേഖരിക്കുക എന്നുള്ളതാണ്.

ലോകത്തെ പ്രഗത്ഭരായ പണ്ഡിതന്മാർ അവർ എഴുതിയ പുസ്തകങ്ങൾക്ക് പേര് കൊടുത്തത് എന്താന്നറിയോ?

رَوض

رِيَاض

എന്നൊക്കെയാണ്.

തോട്ടം.

رِيَاضُ الصّالحين

എന്താണത്?

സതവൃത്തരുടെ പൂങ്കാവനം എന്നാണ്.

അതായത്, ഇസ്ലാമികമായ അറിവ് എന്ന് പറഞ്ഞാൽ നമ്മളൊരു തോട്ടത്തിൽ ചെന്നത് പോലെയാണ്.

തോട്ടത്തിൽ ചെന്നാൽ,

നല്ല മനോഹര പുഷ്പങ്ങൾ

നല്ല സുഗന്ധം

നല്ല തെളിഞ്ഞ കാറ്റ്.

അത് പോലൊരു മനസ്സായിരിക്കും അറിവ് കിട്ടുമ്പോൾ. ഉപകാരപ്രദമായ അറിവുകൾ ആർജിച്ചു കൊണ്ടിരിക്കുക.

ഇന്ന് എന്ത് പഠിച്ചു?

ഇന്ന് എന്താണ് എനിക്ക് കിട്ടിയത്?

ഒരു ദിവത്തേക്കൊരു ഹഥീസ്

ഒരു ദിവസത്തേക്കൊരു ആയത്ത്

ഒരു ദിവസത്തേക്കൊരു അറിവ്

ഇങ്ങനെ അറിവ് ആർജിക്കേണ്ടതുണ്ട്.

അറിവ് കിട്ടുമ്പോൾ മനസ്സ് ഭയങ്കരമായി സന്തോഷിക്കും.

വിഷക്കുന്ന സമയത്ത് ഭക്ഷണം കഴിക്കുമ്പോൾ

ഒരു ഗ്ലാസ് വെള്ളം കുടിക്കുമ്പോൾ

ഒരു ഗ്ലാസ് ജ്യൂസ് കുടിക്കുമ്പോൾ കിട്ടുന്ന ഉന്മേഷമില്ലേ?

അതേപോലൊരു ഉന്മേഷം പകർന്ന് കൊണ്ടിരിക്കുന്നതാണ് നല്ല അറിവ്.

നല്ല അറിവുകൾ

يَرْفَعِ الله الّذِينَ آمَنُوا مِنْكُم والَّذِينَ أُوتُوا العِلْمَ دَرَجَات

അറിവ് കിട്ടുന്തോറും പദവികൾ ഉയരുന്നു.

മനസ്സിന്റെ അവസ്ഥകൾ മറികൊണ്ടിരിക്കും എന്നാണ്.

ഒരു ക്ലാസും, ഒരു പരിപാടിയും കേൾക്കാതിരിക്കുമ്പോഴാണ് സത്യത്തിൽ പ്രയാസങ്ങൾ കടന്ന് വരുന്നത്.

മനസ്സെപ്പോഴും പ്രത്യേകമായ ഒരു മാനസികാവസ്ഥ സൃഷ്ടിക്കപ്പെടുമെന്നാണ്.

ആരാധനകൾ വല്ലാതെ മനസ്സിനെ മാറ്റുമെന്നാണ്.

പ്രത്യേകിച്ച് നമസ്ക്കാരം എന്നൊക്കെ പറഞ്ഞാൽ, ആ നിസ്ക്കാരം

الصَّلاةُ كَم فِيها ابْتِغَاء

എത്ര വലിയ ആസ്വാദനമാണ് നമസ്ക്കാരം കൊണ്ട് കിട്ടുക.

നമ്മൾ സുന്നത്ത് നമസ്ക്കാരങ്ങൾ, ഫർള് നമസ്ക്കാരങ്ങൾ ജീവിതത്തിൽ നിലനിർത്തുമ്പോൾ മാനസീകാവസ്ഥ മാറുമെന്നാണ്.

കാരണം, മനസ്സിനെ അത്രമാത്രം സ്വാധീനിക്കുന്ന ഒന്നാണ് നമസ്കാരം എന്ന് പറയുന്നത്.

അത് കൊണ്ടാ നബി (സ) ക്ഷീണിച്ച സന്ദർഭത്തിൽ പറഞ്ഞത് :

قُمْ يَا بِلَالُ

ഓ ബിലാലെ നീ എഴുന്നേൽക്കുക എന്നാണ്.

എന്നിട്ടൊന്ന് ബാങ്ക് കൊടുക്കുക, നമുക്ക് അല്പ സമയം ആശ്വാസം കൊളളാം, സമാധാനം കൊള്ളാം എന്ന് പറയുവാനുള്ള കാരണം ആരാനകൾ മനസ്സിനെ അത്രമാത്രം സ്വാധീനിക്കുമെന്നതിനാലാണ്.

5.പണ്ഡിതന്മാർ പറഞ്ഞത് ذكر കൾ വർദ്ധിപ്പിക്കുക.

പ്രിയപ്പെട്ടവരെ,

ഇന്ന് ആരെങ്കിലും രാവിലെ سبحان الله  എന്ന് നൂറ് തവണ ചൊല്ലിയോ?

لاإله إلا الله وحده لا شريك له……..

എന്നത് ഒരു പത്ത് പ്രാവശ്യം.

ഇതൊക്കെയൊന്ന് ചൊല്ലി നോക്കേണ്ടതുണ്ട്.

ചൊല്ലണ ദിവസവും ചൊല്ലാത്ത ദിവസവും അത്രമേൽ വ്യത്യാസമുണ്ട്.

നമ്മൾ ഏറ്റവും അധികം പരിഗണിക്കുക നമ്മുടെ മനസ്സിനെയാണ്.

നമ്മൾ മനസ്സിനെ പരിഗണിക്കുന്നില്ല.

ഈ മനസ്സ് കൊണ്ടുള്ള ഗുണം അതേത് സന്ദർഭങ്ങളിലും നമ്മുടെ കൂടെയുണ്ടാകും.

നിങ്ങകളൊരു ദു:ഖരമായ വാർത്ത കേൾക്കുമ്പോൾ മനസ്സിന് അതിലൊരു പങ്കുണ്ട്.

നിങ്ങളൊരു രോഗിയാകുമ്പോൾ മനസ്സിന് അതിലൊരു പങ്കുണ്ട്.

ഒരു സന്തോഷം ഉണ്ടാകുമ്പോൾ മനസ്സിന് അതിലൊരു പങ്കുണ്ട്.

ആ പങ്കിനെ വിസ്മരിക്കരുത്.

അത് കൊണ്ട് കെടാതെ കൊണ്ട് നടക്കക്കേണ്ടത് ഈ മനസ്സാണ്.

ഭൗതീകമായ പല കാര്യങ്ങളും ശ്രദ്ധ കേന്ദ്രീകരിക്കുമ്പോൾ നമ്മൾ മനസ്സിനെ ശ്രദ്ധിക്കേണ്ടതുണ്ട്.

ഈ ദിക്റിന്റെ ഓപ്പോസിറ്റാണ് غفلة ആണ്.

അശ്രദ്ധയാണ്.

അശ്രദ്ധമായ ഒരു ജീവിതം എന്ന് പറഞ്ഞാൽ അത് വല്ലാത്തൊരു അവസ്ഥയാണ്.

അവർക്ക് ജീവിതത്തിൽ ഒരു സമാധാനവും ഉണ്ടാകില്ല.

ഒരു കാര്യത്തിലും ശ്രദ്ധിക്കാതെ, ഒരു ലക്ഷ്യവും ഇല്ലാതെ, എന്തിനാണ് ജീവിക്കുന്നു എന്നറിയാതെ, എവിടെക്കാണ് പോകുന്നു എന്നറിയാതെ, എന്താണ് എന്റെ ജീവിതത്തിന്റെ ലക്ഷ്യം എന്നറിയാതെ ജീവിക്കുന്ന ആളുകൾക്ക് ഉണ്ടാകുന്ന അവസ്ഥ എന്തായിരിക്കും?

مَثَلُ الَّذِي يَذْكُرُ رَبَّهُ وَالَّذِي لا يَذْكُرُ رَبَّهُ مَثَلُ الحَيِّ وَالمَيِّتِ

അല്ലാഹുവിനെ സ്മരിക്കുകയും സ്മരിക്കാതിരിക്കുകയും ചെയ്യുന്നവന്റെ ഉദാഹരണം, ജീവനുള്ളവനുള്ളവനും ജീവനില്ലാത്തവനും തമ്മിലുള്ള വ്യത്യാസം പോലെയാണ്.

ദിക്റുകൾ ബോധപൂർവ്വം നമ്മുടെ ജീവിതത്തിൽ കൊണ്ട് വരണം എന്നുള്ളതാണ്.

الإحْسَانُ إِلَّا عِبَادك .6

ഇതൊക്കെ വളരെ ലളിതമായി നമുക്ക് ചെയ്യാൻ പറ്റുന്ന കാര്യമാണ്.

ആർകെങ്കിലും ഒരു ഉപകാരം.

ഒരു ഉപകാരം ചെയ്ത് കഴിയുമ്പോഴേക്കും നമ്മുടെ മനസ്സിന് വല്ലാത്തൊരു സന്തോഷം ഉണ്ടാകും.

 വലിയ വലിയ കാര്യങ്ങൾ ഓരോ ദിവസവും ചെയ്യുന്ന ആളുകൾക്ക് എത്ര സന്തോഷമുണ്ടാകും!!!

നമ്മളൊക്കെ ഉപകാരം ചെയ്യുന്നുണ്ടാകാം.

ആ ഉപകാരം ഭൗതികമായ ലാഭത്തിന് വേണ്ടിയാണെങ്കിലോ?

അത് നഷ്ടമാകും.

അത് കൊണ്ട് ഒരു ലാഭവും ലഭിക്കില്ല.

അല്ലാഹു മനസ്സിന് തരുന്ന സന്തോഷം അതാകണം എറ്റവും വലുത്.

مَن نَفَّسَ عن مؤمنٍ كُرْبَةً من كُرَبِ الدُّنيا

എന്തെങ്കിലും ഒരു വിഷമം ഒരാൾക്ക് നിങ്ങൾ നീക്കി കൊടുത്താൽ ….

അല്ലാഹു എന്ത് ചെയ്യും?

نَفَّسَ الله عَن كُربَةً مِنه من يَومِ القِيَامَةِ

ഖിയാമത്ത് നാളിലുള്ള ഒരു പ്രയാസത്തെ അല്ലാഹു നീക്കി കൊടുക്കുമെന്നാണ്.

من يَسَّرَ على مُعْسِرٍ يَسَّرَ اللهُ عليه في الدُّنيا والآخرةِ

ഒരു പ്രയാസപ്പെടുന്നവർക്ക് ആശ്വാസം നൽകിയാൽ ഇഹലോകത്തും പരലോകത്തും ആശ്വാസം നൽകും.

എന്തെങ്കിലും ഒരു ഉപകാരം പ്രിയപ്പെട്ടവരെ,

നമ്മൾ നടക്കുമ്പോൾ, ഇരിക്കുമ്പോൾ, നിങ്ങൾ ചെയ്യുന്ന ജോലിയുടെ രംഗത്ത്, വീട്ടിലിരിക്കുമ്പോൾ അയൽവാസിക്ക്, യാത്ര ചെയ്യുമ്പോൾ കൂടെ യാത്ര ചെയ്യുന്ന ഒരാൾക്ക്,

ഇങ്ങനെ എന്തൊക്കെ നന്മകൾ നമുക്ക് ചെയ്യാൻ പറ്റും…..

ഓരോ നന്മകളും മനസ്സിന്റെ സന്തോഷത്തേയും, വിശാലതയേയും, ശക്തിയേയും പരിപോഷിപ്പിക്കും.

  الشَّجَاعة .7

ധൈര്യം

നമ്മൾ ഭീരുക്കളായി, പേടിച്ച് ജീവിക്കരുത്.

ഭയമുള്ള ഏത് അവസ്ഥകളും മനസ്സിന് ഏറ്റവും കൂടുതൽ പരിക്ക് ഉണ്ടാകുന്ന അവസ്ഥയാണ്.

നമ്മൾ എന്തിന് പേടിക്കണം പ്രിയപ്പെട്ടവരെ,

എന്തിനാണ് പേടി?!

ഒരു മനുഷ്യന് പരമാവധി പേടിക്കാനുള്ളത് മരണമാണ്.

ആകെ പേടിക്കാനുള്ളതും മരിക്കും എന്നല്ലേ ?!

മരണം പേടിക്കാനുള്ള കാരണം നാം ഓരോ ദിവസവും അപ്രതീക്ഷിതമായ മരണം കാണുകയാണ്.

ഒന്നും പേടിക്കേണ്ടതില്ല.

മരിക്കാതിരിക്കാൻ പറ്റില്ല എന്ന് നമുക്കെല്ലാവർക്കും അറിയാം.

മരക്കാതിരിക്കുക എന്നൊരവസ്ഥ ഉണ്ടാകാതിരിക്കാതിരിക്കുക എന്നത് ഉണ്ടാകില്ല എന്നതും നമുക്കറിയാം.

പിന്നെ എന്തിനാണ് മരിക്കുന്നത്?

നമ്മൾ ഇത്രക്കാലം ജീവിച്ചതിനുള്ളതിന്റെ ഫലം വാങ്ങാനാണ് പോകുന്നത്….

അതിനാണ് മരിക്കുന്നത്.

ഇബ്നു കയ്മ (റ) പറയുന്നുണ്ട്:

ഖബറിൽ സന്തോഷത്തിന്റെയും ഇരുട്ടിന്റെയും വെളിച്ചത്തിന്റെയും അവസ്ഥകളുണ്ടല്ലോ അതേ പോലെയാണ് മനസ്സും എന്നാണ് പറയുന്നത്.

മനസ്സിനുമുണ്ട് അതേ അവസ്ഥകൾ.

നമ്മുടെ മനസ്സിന്റെയുളളിൽ ഭയമുണ്ടാകും, ദുഃഖമുണ്ടാകും, വിഷമം ഉണ്ടാകും …..

ഇതേ പോലെയാ ഖബറിന്റെയുളളിലും!!!

നമ്മുടെ ജീവിതത്തിൽ സമാധനത്തോടെയും സന്തോഷത്തോടെയും ജീവിക്കാൻ പറ്റുന്നുണ്ടെങ്കിൽ ഖബറിലും അങ്ങനെത്തന്നെ ജിവിക്കാൻ പറ്റുമെന്നാണ്.

മനസ്സ് എപ്പോഴും അങ്ങനെത്തെ അവസ്ഥയിലായിരിക്കണം.

ധൈര്യത്തിൽ ജീവിക്കുക.

നമുക്കെന്താ പേടിക്കാൻ?!

പടച്ചോൻ തീരുമാനിച്ചതേ വരികയൊള്ളൂ.

പടച്ചോൻ വിചാരിക്കാത്തതൊന്നും വരില്ല.

ലോകത്ത് എന്ത് സംഭവിച്ചാലും നമ്മൾ നമ്മളുടെ ദൗത്യം നിർവ്വഹിച്ചിട്ടുണ്ടെങ്കിൽ ഒന്നും പേടിക്കേണ്ടതില്ല.

എപ്പോഴെങ്കിലും അധൈര്യം മനസ്സിലേക്ക് കടന്ന് വരുന്നതിനെ ശ്രദ്ധിക്കുക.

إبْعَادُ أدْوَاءِ القُلُوب وأَثْقَي بِها .8

മനസ്സിന് വരുന്ന ചില രോഗങ്ങളുണ്ട്. അസൂയ!!

വെറുതെ അയൽവാസിയോട് പകയും വിദ്വോഷവും. എന്താ അത് കൊണ്ട് ലാഭം?

നമ്മടെ മനസ്സ് എടങ്ങേറാകുക എന്നല്ലാതെ എന്താ ഗുണം?!

അപ്പറത്തെ കച്ചവടക്കാരനോട് .

അവന്റെ കടയിലേക്ക് ഒരാൾ സാധനത്തിന് വേണ്ടി കയറിയാൽ നമ്മൾ ഇപ്പറത്ത് ബേജാറായി നിൽക്ക.

എന്താ അത് കൊണ്ട് കാര്യം?!

നമുക്ക് വിതിച്ചത് നമുക്ക് വരും എന്ന് വിചാരിച്ചാൽ പോരെ.

അയൽവാസി നല്ലൊരു കാറ് വാങ്ങിയതിന് നമ്മളെന്തിന് എടങ്ങേറായി ജീവിക്കണത്.

നമ്മുടെ ജേഷ്ടന്മാർക്കൊ അനിയന്മാർക്കൊ സാമ്പത്തിക പുരോഗതി ഉണ്ടായതിന് നമ്മളെന്തിന് ബേജാറാകണം?!

മനസ്സിന്റെ രോഗമായ അസൂയ, പക, വിദ്വോഷം, പോര്, ദേഷ്യം ഇതിങ്ങനെ കൊണ്ട് നടക്കുക.

എന്ത് സമാധാനമാണ് ജീവിതത്തിൽ കിട്ടുക?!

നമുക്ക് എന്ത് ലാഭമാണ് അത് കൊണ്ട് ലഭിക്കുക?!

അത്കൊണ്ട് ആരെയാണ് പരാജയപ്പെടുത്താൻ പറ്റിയത്!?

ശരീരത്തിന് ഒരു രോഗം എല്ലാ അവസ്ഥയും തകരാറുകുന്നത് പോലെ മനസ്സിന് ഒരു രോഗം വന്നാൽ മതി എല്ലാം തകരാറിലാകാൻ.

ترْكُفُ أُمُورِ الخُضُور .9

ആവശ്യമില്ലാത്തത് ഒഴിവാക്കുക.

നമുക്ക് ഉപകാരമില്ലാത്ത ഒന്നും കേൾക്കരുത് എന്നാണ്.

നമുക്ക് ഉപകാരമില്ലാത്തതൊന്നും കാണരുത്.

നമുക്ക് ഉപകാരമില്ലാത്തതൊന്നും ചിന്തിക്കരുത്.

നിങ്ങളൊന്ന് ഓഫാക്കി നോക്കൂ. ഒരു മൂന്നാഴ്ച നിങ്ങളുടെ വാട്സപ്പ്, ഫെയ്സ്ബുക്ക്!!

എന്താ സംഭവിക്കാ ….

പിന്നെ,

ആവശ്യമില്ലാത്തത് കേൾക്കൂല, കാണൂല , സമാധാനമാകും …..

പ്രിയപ്പെട്ടവരെ,

രാവിലെ മുതൽ വൈകുന്നേരം വരെ ആവശ്യമില്ലാത്തത് കേൾക്കുമ്പോൾ നമുക്ക് വല്ല സമാധാനവും കിട്ടുന്നുണ്ടോ ?!

ആ കേട്ടത് കൊണ്ട് ഒരു ഗുണവുമില്ല ജീവിതത്തിൽ.

അത് ചിന്തിച്ചത് കൊണ്ട് ഒരു കാര്യവും ഇല്ല.

2024 ൽ ആരാ വരിക എന്നിങ്ങനെ ആലോചിച്ചിരുന്നിട്ട് എന്താ കാര്യം?!

നമ്മുടെ ദൗത്യമെന്താണോ അത് നിർവ്വഹിച്ച് മുന്നോട്ട് പോകുക എന്നാണ്.

ترْكُفُ أُمُورِ الخُضُور

ആവശ്യമില്ലാത്തത് ഉപേക്ഷിക്കുക.

ആവശ്യമുള്ളത് ചിന്തിച്ചാൽ മതി

ആവശ്യമുള്ളത് കേട്ടാൽ മതി.

ആവശ്യമുള്ളത് നോക്കിയാൽ മതി.

ആവശ്യമുള്ളത് കണ്ടാൽ മതി.

ഏറ്റവും അധികം ജീവിത സന്തോഷവും സമാധാനവും അനുഭവിച്ചത് ആരാണെന്ന് ചോദിച്ചാൽ…..

അത് നബി (സ) യാണ്. അതുകൊണ്ട് പ്രവാചക ജീവിതത്തെ എത്രകണ്ട് ഒരാൾ അനുദാവനം ചെയ്യുന്നുവോ അത്രകണ്ട് ഒരാൾ സന്തോഷവാനാകും.

നബി (സ)യുടെ സുന്നത്തായിട്ട് എന്തെങ്കിലും എവിടുന്നെങ്കിലും കിട്ടിയാൽ അത് ചെയ്ത് നോക്കുക.

അങ്ങനെ ചെയ്യുമ്പോൾ ഓരോ സുന്നത്തുകളും ആ പ്രവാചകന്റെ ജീവിതത്തിലേക്ക് നമ്മെ അടുപ്പിക്കും.

ആ പ്രവാചകൻ അനുഭവിച്ച ജീവിതത്തിന്റെ ചാരിതാർത്ഥ്യവും സന്തോഷവും നമ്മുടേതായിട്ട് മാറും.

ലളിതമാണ്.

നമുക്കെല്ലാവർക്കും പ്രായോഗികമാണ്.

നമ്മുടെ എല്ലാവരുടെയും ജീവിതത്തിൽ അവസരങ്ങൾ ലഭിക്കുന്നതുമാണ്.

അത് കൊണ്ട് പ്രിയപ്പെട്ടവരെ,

അല്ലാഹുവിന് മാത്രം ജീവിതം സമർപ്പിച്ച്, അവനോട് മാത്രം പ്രാർത്ഥിച്ച്, നല്ല അറിവുകൾ നേടാനുള്ള അവസരങ്ങൾ ഉപയോഗപ്പെടുത്തി, 

ദിക്റുകൾ നമുക്കറിയാവുന്നവ ചൊല്ലിപ്പറഞ്ഞ് ഹൃദയത്തിന്റെ രോഗങ്ങളിൽ നിന്ന് മുക്തി നേടി മനസ്സിന് വെളിച്ചവും പ്രകാശവും നിറച്ച് അനാവശ്യമായ കാര്യങ്ങളെ നിരാകരിച്ച് ഒരു നല്ല മനസ്സിനെ സൃഷ്ടിക്കുക.

അങ്ങനെ നല്ല മനസ്സിനെ സൃഷ്ടിക്കുമ്പോൾ വീട്ടിലാകുമ്പോൾ, കുടുംബത്തിലാകുമ്പോൾ, ഒറ്റക്കിരിക്കുമ്പോഴും പ്രതികൂലത നമ്മളിലേക്ക് വരുമ്പോഴും മരണത്തിന്റെ കിടക്കയിലാകുമ്പോൾ പോലും മനസ്സ് നമുക്ക് പിന്തുണ തന്ന്, വെളിച്ചം തന്ന്, ധൈര്യം തന്ന് കൂടെയുണ്ടാകും.

അങ്ങനെത്തെ വിശാലതയുള്ള ഹൃദയത്തെ സന്തോഷമുളള മനസ്സിനെ അല്ലാഹു നമുക്കെല്ലാവർക്കും പ്രധാനം ചെയ്യുമാറാകട്ടെ.

ഇസ്ഹാഖ് വാരണാക്കര