നോമ്പിലെ ദുആഉകള്‍
നോമ്പുകാരന്‍റെ ദുആഉകള്‍ ഉത്തരമേകപ്പെടുന്നവയാണെന്നും നേമ്പുതുറക്കുന്നതുവരെയുള്ള നോമ്പുകാരന്‍റെ ദുആ വെറുതെ മടക്കപ്പെടുകയില്ലെന്നും തിരുമൊഴികളില്‍ സ്വഹീഹായി വന്നിട്ടുണ്ട്.
നോമ്പു തുറക്കുമ്പോള്‍
നോമ്പ് തുറക്കുമ്പോള്‍ തിരുദൂതര്‍ (സ്വ) താഴെ വരുന്ന ദുആ ചെയ്തിരുന്നതായി അബ്ദുല്ലാഹ് ഇബ്നുഉമറി (റ) ല്‍നിന്ന് നിവേദനം. അല്‍ബാനി ഹസനെന്ന് വിശേഷിപ്പിച്ചു.
ذَهَبَ الظَّمَأُ وَابْتَلَّتِ الْعُرُوقُ وَثَبَتَ الْأَجْرُ إِنْ شَاءَ الله
‘ദാഹം ശമിച്ചു. അന്ന നാളികള്‍ നനഞ്ഞു. അല്ലാഹു ഉദ്ദേശിച്ചാല്‍ പ്രതിഫലം സ്ഥിരപ്പെട്ടു.’
ലൈലത്തുല്‍ക്വദ്റില്‍ കൂടുതലാക്കുവാന്‍
ലൈലത്തുല്‍ക്വദ്റാണെന്ന് അറിഞ്ഞാല്‍ എന്താണ് ദുആഅ് ചെയ്യേണ്ടതെന്ന ആഇശാ (റ) യുടെ ചോദ്യത്തിന് തിരുദൂതര്‍ (സ്വ) പ്രതികരിച്ചത് ഇമാം അഹ്മദ് നിവേദനം ഇപ്രകാരം ചെയ്തു. അല്‍ബാനി സ്വഹീഹെന്ന് വിശേഷിപ്പിച്ചു.
اللَّهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنِّي
‘അല്ലാഹുവേ നീ അഫുവ്വാകുന്നു. നീ മാപ്പേകുന്നതിനെ ഇഷ്ടപ്പെടുന്നു. അതിനാല്‍ നീ എനിക്ക് മാപ്പേകേണമേ.’
അബുൽ ജബ്ബാർ അബ്ദുള്ള മദീനി