ഹദീസ് 30

> വിശ്വാസികൾക്ക് അന്ത്യദിനത്തിൽ അല്ലാഹുവിനെ കാണാൻ സാധിക്കും. ഇത് അഹ്‌ലുസ്സുന്നയുടെ വിശ്വാസത്തിൽ സ്ഥിരപ്പെട്ടതാണ്. അല്ലാഹു പറയുന്നു:

وُجُوهٌ يَوْمَئِذٍ نَّاضِرَةٌ

إِلَىٰ رَبِّهَا نَاظِرَةٌ

ചില മുഖങ്ങൾ അന്ന് പ്രസന്നതയുള്ളതും ? അവയുടെ രക്ഷിതാവിന്റെ നേർക്ക് ദൃഷ്ടി തിരിച്ചവയുമായിരിക്കും. (ക്വിയാമ:22-23)

> പതിനാലാം രാവിൽ പൂർണ്ണ ചന്ദ്രനെ കാണുന്നത് പോലെ അന്ന് അല്ലാഹുവിനെ വ്യക്തമായി കാണാനാകും എന്നാണ് റസൂൽ g അറിയിച്ചിട്ടുള്ളത്.

> വിശ്വാസികൾ മാത്രമേ റബ്ബിനെ കാണുകയുള്ളൂ. അവിശ്വാസികൾക്ക് അതിന് സാധിക്കുകയില്ല. അല്ലാഹു പറയുന്നു:

كَلَّا إِنَّهُمْ عَن رَّبِّهِمْ يَوْمَئِذٍ لَّمَحْجُوبُونَ

അല്ല; തീർച്ചയായും അവർ അന്നേ ദിവസം അവരുടെ രക്ഷിതാവിൽ നിന്ന് മറയ്ക്കപ്പെടുന്നവരാകുന്നു. (മുത്വഫ്ഫിഫീൻ:15)

> പരലോകത്ത് അല്ലാഹുവിനെ കാണൽ വലിയൊരു സമ്മാനമാണ്. അത് അതിനർഹമായ കർമങ്ങൾ ചെയ്തവർക്ക് മാത്രം ലഭിക്കുന്ന സവിശേഷ പദവിയാണ്.

> ഇതിന് നിബന്ധനയായി റസൂൽ g അറിയിച്ചത് വീഴ്ച കൂടാതെ ഫജ്ർ നമസ്‌കാരവും, അസ്വ്ർ നമസ്‌കാരവും കൃത്യമായി നിർവ്വഹിക്കുക എന്നതാണ്. 

> فَإِنِ اسْتَطَعْتُمْ أَنْ لاَ تُغْلَبُوا എന്നത് കൊണ്ട് അർത്ഥമാക്കുന്നത് ഉറക്കം, തിരക്കുകൾ തുടങ്ങിയവ നിങ്ങളെ അതിജയിച്ച് ഇവ കൃത്യമായി ചെയ്യാൻ സാധിക്കാതെ വരരുത് എന്നാണ്. അങ്ങനെ നിങ്ങൾ അതിൽ പരാജയപ്പെടാതെ അവ നിർവ്വഹിക്കുന്നവരാകണം.

> ഈ രണ്ട് നമസ്‌കാരങ്ങൾ ഈ സന്ദർഭത്തിൽ പറയാൻ കാരണം ഇവക്ക് മറ്റു നമസ്‌കാരങ്ങളേക്കാൾ ശ്രേഷ്ടതയുണ്ട് എന്നതാണ്. അവ ഹദീസുകളിൽ വന്നിട്ടുണ്ട്. ഈ രണ്ട് നമസ്‌കാരങ്ങളും കൃത്യമായി നിർവ്വഹിക്കപ്പെടാതിരിക്കാനും സാധ്യതയുണ്ട്. കാരണം ഫജ്ർ ഉറക്ക സമയവും അസ്വ്ർ നമസ്‌കാര സമയം തിരക്കുകളുടെ സന്ദർഭവുമാണ്. ഇത്തരം കാരണങ്ങൾ നമ്മെ അതിജയിക്കാതെ നോക്കാൻ നമുക്കാവണം. ഓരോ കർമങ്ങളും ഭംഗിയായി നിർവ്വഹിച്ചാൽ അതിന്റെ പ്രതിഫലങ്ങൾ പരിപൂർണമായി ലഭിക്കാൻ കാരണമാകും.

> നാളെ അല്ലാഹുവിനെ കണ്ടുമുട്ടുന്ന സൗഭാഗ്യവാൻമാരിൽ അല്ലാഹു നമ്മെ ഉൾപ്പെടുത്തുമാറാവട്ടെ..ആമീൻ