ഹദീസ് 08

> അബൂമൂസ (റ): അബ്ദുല്ലാഹി ബ്‌നു കൈ്വസ് അൽഅശ്അരി, ഹിജ്‌റ 50 ന് വഫാത്തായി.

> ഒരു അടിമ എല്ലായ്‌പ്പോഴും അല്ലാഹുവിനെ ഓർക്കുന്നവനാകണം. അത് അവന്റെ ഐഹിക ജീവിതത്തിനും പാരത്രിക ജീവിതത്തിനും അത്യാവശ്യമാണ്.

> അല്ലാഹുവിനെ ഓർക്കാതെ അശ്രദ്ധ കാണിക്കുന്നവരുടെ കൂട്ടത്തിൽ നാം പെടരുത് എന്ന് അല്ലാഹു അറിയിക്കുന്നുണ്ട്. (അഅ്‌റാഫ്:205)

> നാം അല്ലാഹുവിനെ ഓർത്താൽ അല്ലാഹു നമ്മേയും ഓർക്കും. (ബക്വറ:152)

> മനസ്സിന് ശാന്തിയും സമാധാനവും ഉണ്ടാവാൻ അല്ലാഹുവിനെ ഓർക്കണം. (റഅദ്:28)

> അല്ലാഹുവിനെ ഓർക്കാൻ ഉള്ള ധാരാളം മാർഗ്ഗങ്ങൾ നബി ﷺ നമുക്ക് പഠിപ്പിച്ച് തന്നിട്ടുണ്ട്. നിർബന്ധവും, ഐച്ഛികവുമായ മുഴുവൻ കർമങ്ങളും ചെയ്യുന്നതിലൂടെ അല്ലാഹുവിനെ ഓർക്കാൻ സാധിക്കും.  

> അല്ലാഹുവിനെ സ്മരിക്കാൻ ധാരാളം ദിക്‌റുകളും ക്വുർആനിലും സുന്നത്തിലും സ്ഥിരപ്പെട്ട് വന്നിട്ടുണ്ട്. വളരെ ചെറിയ ദിക്‌റുകൾക്ക് പോലും അളവറ്റ പ്രതിഫലങ്ങളാണ് അല്ലാഹു നമുക്ക് നൽകുന്നത്.

> വിശുദ്ധ ക്വുർആൻ പാരായണത്തിലൂടെ ഈ കാര്യം സാധ്യമാകുന്നു. 

ദിക്‌റിന്റെ ഫലങ്ങൾ

> അല്ലാഹുവിനെ ഓർക്കൽ പിശാചിനെ അകറ്റുകയും അല്ലാഹുവിനെ തൃപ്തിപ്പെടുത്തുകയും ചെയ്യും.

> ദുഖവും മനഃപ്രയാസങ്ങളും ഇല്ലാതായി സന്തോഷമുള്ള അവസ്ഥ കൈവരും.

> അനുഗ്രഹങ്ങൾ ലഭിക്കുകയും വിപത്തുകളും മറ്റും തടയപ്പെടുകയും ചെയ്യും.

> അടിമക്ക് മുഖപ്രസന്നത പ്രദാനം ചെയ്യും.

> അല്ലാഹു തന്നെ കാണുന്നുണ്ട് എന്ന ബോധം എല്ലായ്‌പ്പോഴും അടിമയിലുണ്ടാക്കും.

> പശ്ചാത്താപ മനസ്സ് ഉണ്ടാക്കും.

> അറിവിന്റെ ധാരാളം വാതിലുകൾ തുറക്കപ്പെടും.

> അല്ലാഹുവിന്റെ മാഹാത്മ്യം മനസ്സിലാക്കാൻ സാധിക്കും.

> പാപങ്ങൾ മായ്ച്ച് കളയാൻ സഹായിക്കും.

> ആരാധനകളിൽ എളുപ്പമുള്ളതും മഹത്വമേറിയവയുമാണ് ദിക്ർ.

> ഏഷണി, പരദൂഷണം, കളവ്, തോന്നിവാസങ്ങൾ എന്നിവ ഒഴിവാക്കാൻ കാരണമാകും. 

> അന്ത്യദിനത്തിലെ വിലാപങ്ങളിൽ അടിമക്ക് നിർഭയത്വം നൽകും.

> ജീവിതത്തിലും, ക്വബ്‌റിലും, അന്ത്യദിനത്തിലും പ്രകാശം നൽകും.

> അല്ലാഹുവിന്റെ സാമീപ്യം ലഭിക്കും.

> ചില ദിക്‌റുകൾക്ക് അടിമയെ മോചിപ്പിക്കുന്നതിന്റേയും, സമ്പത്ത് ചിലവഴിക്കുന്നതിന്റേയും, അല്ലാഹുവിന്റെ മാർഗ്ഗത്തിൽ ധർമ്മ സമരം ചെയ്യുന്നതിന്റെയും പ്രതിഫലം ലഭിക്കും.

> ഹൃദയത്തിന്റെ രോഗങ്ങൾക്ക് ഉള്ള ചികിത്സയും മരുന്നുമാണ് ദിക്‌റുകൾ.

> അല്ലാഹുവിനുള്ള നന്ദിയർപ്പിക്കലാണത്.

> ഒറ്റക്കിരുന്ന് അല്ലാഹുവിനെ ഓർത്ത് കരയൽ കൊണ്ട് അല്ലാഹുവിന്റെ അർശിന്റെ തണൽ ലഭിക്കാൻ കാരണമാകും.

> ദിക്ർ ചൊല്ലുന്നവന് അല്ലാഹുവിൽ നിന്നുള്ള അനുഗ്രഹങ്ങളും, മലക്കുകളുടെ പ്രാർത്ഥനകളും ലഭിക്കും.

> നന്മകൾ ചെയ്യാൻ അത് പ്രേരിപ്പിക്കും.

> ചില ദിക്‌റുകൾ സ്വർഗ്ഗത്തിലെ ചെടികൾ ആണെന്ന് ഹദീസിൽ വന്നിട്ടുണ്ട്.

> അല്ലാഹുവിനെ ഓർത്ത് കൊണ്ട് കർമങ്ങൾ ചെയ്യുമ്പോൾ അവ ജീവസുറ്റവയാകും.

> അല്ലാഹുവിനെ മറക്കാതെ എപ്പോഴും ഓർക്കാൻ കാരണമാകും.

> അല്ലാഹുവിനെ ഓർക്കുന്ന അടിമയെ കുറിച്ച് അല്ലാഹു മലക്കുകളോട് അവനെ കുറിച്ച് പുകഴ്ത്തിപ്പറയും. 

(ഇബ്‌നൽ ക്വയ്യിം, അൽ വാബിലുസ്സ്വയ്യിബ് പേജ്:61)

ഇത്രയൊക്കെ പ്രാധാന്യങ്ങളും മഹത്വങ്ങളും ഉണ്ടായിട്ടും അല്ലാഹുവിനെ ഓർക്കാത്തവർ ജീവനില്ലാത്ത പോലെയാണ്