ഹദീസ് 06

> ഉമ്മുഹബീബ: ഇവരുടെ യഥാർത്ഥ പേര്: റംല ബിൻത്ത് അബീ സുഫ്‌യാൻ എന്നാണ്. ഹിജ്‌റ 42 നാണ് ഇവർ വഫാത്താകുന്നത്.

> ഇസ്‌ലാമിലെ എല്ലാ കർമങ്ങൾക്കും വലിയ പ്രതിഫലമുണ്ട്. വളരെ എളുപ്പമുള്ളതും ലളിതവുമായ കർമങ്ങൾക്ക് വലിയ തോതിലുള്ള പ്രതിഫലങ്ങൾ നൽകപ്പെടുമെന്ന് റസൂൽ ﷺ അറിയിച്ചിട്ടുണ്ട്.

> നിർബന്ധ കാര്യങ്ങൾ പ്രധാനപ്പെട്ടവയും ജീവിതത്തിൽ ഒഴിച്ച് കൂടാൻ പറ്റാത്തവയുമാണ്. അവ ചെയ്യുന്ന കാര്യത്തിൽ നല്ല ശ്രദ്ധ പുലർത്തൽ എല്ലാവർക്കും നിർബന്ധവുമാണ്. 

> നിർബന്ധ കർമങ്ങൾക്ക് പുറമെ ഐച്ഛികമായ കർമങ്ങളും നമ്മൾ ചെയ്യേണ്ടതുണ്ട്. അത്തരത്തിലുള്ള ധാരാളം കാര്യങ്ങൾ നബി ﷺ അറിയിച്ച് തന്നിട്ടുമുണ്ട്. 

> നിർബന്ധ നമസ്‌കാരങ്ങളോടനുബന്ധിച്ചുള്ള സുന്നത്ത് നമസ്‌കാരങ്ങൾക്ക് ‘റവാത്തിബ് സുന്നത്തുകൾ’ എന്ന് പറയും. ഒരു ദിവസം 12 റക്അത്ത് റവാത്തിബ് സുന്നത്തുകൾ നമസ്‌കരിച്ചാൽ അവന് സ്വർഗ്ഗത്തിൽ ഒരു ഭവനം ലഭിക്കും എന്ന് നബി  ﷺ അറിയിച്ചിരിക്കുന്നു.