ഹദീസ് 04

> അടിമക്ക് ലഭിക്കുന്ന അല്ലാഹുവിന്റെ സ്‌നേഹത്തെ കുറിച്ചാണ് ഈ ഹദീസ് പഠിപ്പിക്കുന്നത്.

> ഒരു അടിമയെ അല്ലാഹു ഇഷ്ടപ്പെട്ടാല്‍ ജിബ്‌രീല്‍ n നോട് അല്ലാഹു അത് പറയും. അദ്ദേഹത്തൊട് ആ അടിമയെ ഇഷ്ടപ്പെടാന്‍ കല്‍പ്പിക്കുകയും ചെയ്യും.ഈ കാര്യം ജിബ്‌രീല്‍ മലക്കുകളോട് പറയും, അവരും ആ അടിമയെ ഇഷ്ടപ്പെടും. ഭൂമിയില്‍ ആ അടിമക്ക് സ്വീകാര്യതയും മറ്റുള്ളവരുടെ ഇഷ്ടവും ലഭിക്കുകയും ചെയ്യും. ഇതാണ് ഹദീസിന്റെ സാരം.

> അല്ലാഹുവിന് ചില കര്‍മങ്ങള്‍ പ്രത്യേകം ഇഷ്ടമാണ്, അത് പോലെ ചില അടിമകളേയും അവന്‍ ഇഷ്ടപ്പെടുന്നു. ആ ഇഷ്ടം അല്ലാഹുവിന്റെ മഹത്വത്തിന് യോജിച്ച വിധമായിരിക്കും. അല്ലാഹുവിന്റെ ഇഷ്ടം കിട്ടിയാല്‍ പിന്നെ മലക്കുകളും മനുഷ്യരും അവനെ ഇഷ്ടപ്പെടും. 

> ഈ ഇഷ്ടം ലഭിക്കാന്‍ വേണ്ട യോഗ്യത അടിമയില്‍ ഉണ്ടായിരിക്കണം എന്നത് നമുക്ക് മനസ്സിലാക്കാന്‍ സാധിക്കുന്ന കാര്യമാണ്.

> നിര്‍ബന്ധ കാര്യങ്ങളും സുന്നത്തായ കാര്യങ്ങളും ജീവിതത്തില്‍ ചെയ്ത് കൊണ്ട് അല്ലാഹുവിലേക്ക് അടുക്കുമ്പോഴാണ് ഈ സ്‌നേഹം ലഭ്യമാവുക. 

> അല്ലാഹുവിന് ഇഷ്ടമുള്ളതൊക്കെ അടിമക്കും ഇഷ്ടമായിരിക്കണം, അല്ലാഹുവിന് വെറുപ്പുള്ളവയൊക്കെ അടിമക്കും വെറുപ്പായിരിക്കണം. അപ്പോഴാണ് ഈ സ്‌നേഹം യാതാര്‍ത്ഥ്യമാവുകയുള്ളൂ…

> ഈ സ്‌നേഹം ലഭിക്കാനുള്ള കാരണങ്ങള്‍ ഏറെയാണ്, അവയില്‍ പെട്ടവയാണ്: 

1-നബി ﷺ യെ ഇത്തിബാഅ് ചെയ്യല്‍ (ആലു ഇംറാന്‍: 31)

2-തക്വ്‌വ (ആലു ഇംറാന്‍:76)

3-ദാനം രഹസ്യമായി ചെയ്യല്‍ 

4-സുകൃതങ്ങള്‍ ചെയ്യല്‍ (ബക്വറ: 195)

5-ക്ഷമ (ആലു ഇംറാന്‍: 146)

6-തവക്കുല്‍ (ആലു ഇംറാന്‍: 159)

7-അല്ലാഹുവിന്റെ മാര്‍ഗ്ഗത്തില്‍ ധര്‍മ സമരം ചെയ്യല്‍ (സ്വഫ്ഫ്:4)

8-സുന്നത്തുകള്‍ ചെയ്യല്‍ 

9-ശുദ്ധിയുള്ളവരെ (ബക്വറ:222)

10-നീതി പാലിക്കല്‍ (മാഇദ:42)

> അല്ലാഹുവിന്റെ ഇഷ്ടം ലഭിക്കാതിരിക്കുന്ന വിഭാഗങ്ങള്‍ 

1-അതിര് വിടുന്നവര്‍ (ബക്വറ:190)

2-കുഴപ്പങ്ങള്‍ (ബക്വറ:205)

3-കുഫ്ര്‍ (ബക്വറ: 276)

4-അക്രമികള്‍ (ആലു ഇംറാന്‍ : 57)

5-ദുരഭിമാനം, പൊങ്ങച്ചം (നിസാഅ്: 36)

6-വഞ്ചകര്‍ (നിസാഅ്: 107)

7-തിന്‍മ പരസ്യമാക്കല്‍ (നിസാഅ്: 148)

8-കുഴപ്പമുണ്ടാക്കുന്നവര്‍ (മാഇദ: 64)

9-ധൂര്‍ത്ത് കാണിക്കുന്നവര്‍ (അന്‍ആം: 141)

10-അഹന്ത കാണിക്കുന്നവര്‍ (നഹ്ല്‍:23)

11-അമിതാഹ്ലാദം (ക്വസ്വസ്വ്: 76)