ഹദീസ് – 20

– ഹദീസ് റിപ്പോർട്ട് ചെയ്തത്: അബ്ദുല്ലാഹി ബ്നു അംറു ബൽ ആസ് അസ്സഹ്മി അൽകുറശി, മരണം ഹിജ്റ: 63.
– സൃഷ്ടികളുടെ വിധിനിർണ്ണയങ്ങൾ അവരെ സൃഷ്ടിക്കുന്നതി ന് മുമ്പേ അല്ലാഹു രേഖപ്പെടുത്തി വെച്ചിട്ടുണ്ട്. വിധി വിശ്വാ സത്തിൽ പെട്ട കാര്യമാണിത്. മുഴുവൻ മുസ്ലീംകളും ക്വദ റിൽ വിശ്വസിക്കണം എന്നത് അവർക്ക് നിർബന്ധമാണ്.

അല്ലാഹു പറയുന്നു: “ഭൂമിയിലോ നിങ്ങളുടെ ദേഹങ്ങളിൽ തന്നെയോ യാതൊരു ആപത്തും ബാധിക്കുകയുണ്ടായിട്ടില്ല; അ തിനെ നാം ഉണ്ടാക്കുന്നതിന് മുമ്പ് തന്നെ ഒരു രേഖയിൽ ഉൾപെട്ടുകഴിഞ്ഞതായിട്ടല്ലാതെ. തീർച്ചയായും അത് അല്ലാഹുവെസംബന്ധിച്ചേടത്തോളം എളുപ്പമുള്ളതാകുന്നു”. (അൽഹദീദ്:22)

– ഈ പ്രപഞ്ചത്തിൽ നടക്കുന്ന എല്ലാ കാര്യങ്ങളും അല്ലാഹുവിന്റെ രേഖപ്പെടുത്തലിന്റെ അടിസ്ഥാനത്തിൽ അവന്റെ അറിവോട് കൂടിയാണ്.
– ക്വദറിന്റെ ഘട്ടങ്ങൾ നാലെണ്ണമാണ്. ഇത് മനസ്സിലാക്കിയാൽ ക്വദറിലുള്ള കുറേ സംശയങ്ങൾക്ക് പരിഹാരമാകും.
അവ:
ഒന്ന് : ജ്ഞാനം
രണ്ട് : രേഖപ്പെടുത്തൽ
മുന്ന് : ഉദ്ദേശം
നാല്: സൃഷ്ടിപ്പ്
– ആകാശങ്ങളിലും ഭൂമിയിലുമുള്ള സകല കാര്യങ്ങളെ കുറിച്ചും അറിവുള്ളവനാണ് അല്ലാഹു. ഓരോ വസ്തുക്കളേയും സൃഷ്ടിക്കുന്നതിന് മുമ്പേ അല്ലാഹുവിന് ആ കാര്യങ്ങളെ കുറിച്ച് വ്യക്തമായ അറിവുണ്ട്. ആ അറിവ് അനുസരിച്ചാണ് ഓരോ വസ്തുവിനെ കുറിച്ചും അല്ലാഹു എഴുതിവെച്ചത്. വഴിപിഴക്കുന്ന ആളുകൾ; അവർ വഴി തെറ്റിയ ജീവിതമാണ് നയിക്കുക എന്ന് അല്ലാഹുവിന് മുന്നേ തന്നെയുള്ള അറിവുണ്ട്. അതവൻ എഴുതി വെച്ചിരിക്കുന്നു. അന്യായമായി ആരെയും വഴി തെറ്റിക്കുക എന്നത് അല്ലാഹു ചെയ്യുന്നില്ല.
– അല്ലാഹുവിന്റെ അറിവിന്റെ അടിസ്ഥാനത്തിൽ ഓരോന്നി നെ കുറിച്ചും അല്ലാഹു ലൗഹുൽ മഹ്ഫൂദിൽ രേഖപ്പെടു ത്തി വെച്ചു. ഈ കാര്യമാണ് ആകാശങ്ങളേയും ഭൂമിയേയും സൃഷ്ടിക്കുന്നതിന് അമ്പതിനായിരം വർഷം മുമ്പ് എഴുതി വെച്ചു എന്ന് പറഞ്ഞത്. ഈ എഴുതി വെച്ച കാര്യങ്ങൾ അല്ലാഹു ഉദ്ദേശിക്കുന്നതിനനുസരിച്ച് അല്ലാഹു നടപ്പിൽ വരു ത്തുന്നു. അല്ലാഹു ഉദ്ദേശിക്കുന്നത് ലോകത്ത് സംഭവിക്കും, അല്ലാഹു ഉദ്ദേശിക്കാത്തത് സംഭവിക്കില്ല. സൃഷ്ടിപ്പ് എന്നഘട്ടം ഇതിലെ നാലമത്തേതാണ്.
– നമുക്ക് സംഭവിക്കുന്ന ഏത് കാര്യവും, അത് നൻമയാണങ്കിലും, തിൻമയാണെങ്കിലും അല്ലാഹുവിന്റെ വിധിയനുസരിച്ച് മാത്രമാണെന്ന് ആശ്വസിക്കാൻ നമുക്ക് സാധിക്കണം.