ഹദീസ് - 9
“നിശ്ചയം സ്വർഗത്തി ൽ ചില റൂമുകളുണ്ട് (ഭവനങ്ങളുണ്ട്), അതിന്റെ പുറം ഭാഗം ഉള്ളിൽ നിന്നും അതിന്റെ ഉൾഭാഗം പുറമേ നിന്നും കാണപ്പെ ടും. അപ്പോൾ ഒരു ഗ്രാമീണനെഴുന്നേറ്റു ചോദിച്ചു: അത് ആർ ക്കുള്ളതാണ് റസൂലേ...? റസൂൽ (സ) പറഞ്ഞു: സംസാരം നന്നാ ക്കുവനും, ഭക്ഷണം നൽകുന്നവനും, നോമ്പ് പതിവാക്കുന്നവ നും, ജനങ്ങൾ ഉറങ്ങുമ്പോൾ രാത്രിയിൽ നമസ്കരിക്കുന്നവ നുമാണത്.” (തിർമിദി:2527)
– ഹദീസ് റിപ്പോർട്ട് ചെയ്തത്. അലിയ്യു ബ്നു അബീ ത്വാലി ബ് അൽകുറശി, മരണം ഹിജ്റ: 40
– ചില സൽക്കർമങ്ങൾക്ക് വലിയ പ്രതിഫലമാണ് ലഭിക്കുക എന്ന് മതം നമുക്ക് പഠിപ്പിച്ച് തന്നിട്ടുണ്ട്. സ്വർഗത്തിലെ വിവിധ അനുഭൂതികൾ ചില പ്രവർത്തനങ്ങൾക്ക് പ്രത്യേക മാക്കിയതായി ഹദീസുകളിൽ നിന്ന് നമുക്ക് മനസ്സിലാക്കാൻ കഴിയും.
– അതിൽ പെട്ടതാണ് നല്ല വാക്ക് പറയുന്നവർക്കും, പാവങ്ങൾക്ക് ഭക്ഷണം നൽകുന്നവർക്കും, നോമ്പ് പതിവാക്കുന്ന വർക്കും, രാത്രി നമസ്കാരം നിർവ്വഹിക്കുന്നവർക്കും ഉള്ള സമ്മാനം. സ്വർഗത്തിലെ പ്രത്യേകതരം ഭവനങ്ങളാണത്. അതിന്റെ ഉൾഭാഗം പുറത്ത് നിന്നും, പുറം ഭാഗം ഉള്ളിൽ നിന്നും കാണാവുന്ന തരത്തിലാണതെന്ന് ഹദീസിലുണ്ട്. അതിന്റെ യഥാർത്ഥ രൂപം നമുക്കറിയില്ല.
നല്ല വാക്ക് പറയൽ:
– ഇത് വളരെ പുണ്യമുള്ളതും നമ്മിൽ പലരും അശ്രദ്ധരാകു ന്നതുമായ കാര്യമാണ്. വേണ്ടതും വേണ്ടാത്തതുമൊക്കെ സംസാരിക്കുന്ന പ്രകൃതമാണ് നമ്മിൽ പലർക്കും. അത് സൂക്ഷിക്കണം. പറയുകയാണെങ്കിൽ നല്ലത് പറയണം അല്ലെങ്കിൽ മിണ്ടാതിരിക്കണമെന്നാണ് റസൂൽ പഠിപ്പിച്ചിട്ടു ള്ളത്.
– കേൾക്കുന്നതൊക്കെ പറയുന്ന ശീലം നല്ലതല്ല. അത് വേണ്ടാത്തത് പറയുന്നതിലേക്ക് നമ്മെ എത്തിക്കും. നല്ലതാണെന്ന് ഉറപ്പുള്ളത് മാത്രം പറയാൻ നമുക്ക് കഴിയണം.
ഭക്ഷണം നൽകൽ:
സാധുക്കൾക്ക് ഭക്ഷണം നൽകൽ പുണ്യമുള്ള കാര്യമാണ്. വലിയ പ്രതിഫലമാണ് അതിനുള്ളത്. ദീനിലെ പല കാര്യ ങ്ങൾക്കും പ്രായശ്ചിത്തം ചെയ്യുമ്പോൾ അതിൽ സാധുക്ക ൾക്ക് ഭക്ഷണം നൽകാൻ ഉള്ള നിർദേശം നമുക്ക് കാണാൻ സാധിക്കും. അത് അതിന്റെ പ്രാധാന്യത്തെ സൂചിപ്പിക്കുന്നു. പുണ്യവാൻമാരുടെ വിശേഷണങ്ങളിൽ പെട്ടതാണ് അശര ണരെ ഭക്ഷിപ്പിക്കൽ (സൂറത്തുൽ ഇൻസാൻ:8), സമാധാനത്തോടെ സ്വർഗത്തിലേക്ക് കടക്കാൻ സാധിക്കുന്ന വിധം മഹത്വമുള്ള കാര്യമാണിതെന്ന് നബി (സ) യും പഠിപ്പിച്ചിട്ടുണ്ട്. ഒരു കാരക്കയുടെ കഷ്ണം ദാനം ചെയ്തിട്ടെങ്കിലും നരകത്തെ സൂക്ഷിക്കണം എന്ന് നബി (സ) പറഞ്ഞിട്ടുണ്ട്.
കൊടും പകർച്ചാവ്യാധി വ്യാപകമായി ജനങ്ങൾ ബുദ്ധിമുട്ടുന്ന ഈ സന്ദർഭത്തിൽ നമുക്ക് ചുറ്റും ഭക്ഷണം കിട്ടാതെ പ്രയാസപ്പെടുന്നവരുണ്ടോ എന്ന് ശ്രദ്ധിക്കാൻ നമുക്ക് കഴിയണം. ഇതിൽ ജാതി-മത വേലിക്കെട്ടുകളൊന്നുമില്ല എന്ന് നാം അറിയണം.
നോമ്പ് പതിവാക്കൽ:
നോമ്പിന്റെ പ്രതിഫലം നാം ധാരാളം മനസ്സിലാക്കിയതാണ്, റമദ്വാനിൽ മാത്രമല്ല, അല്ലാത്തപ്പോഴും പഠിപ്പിക്കപ്പെട്ട നോമ്പുകൾ എടുക്കാൻ നമുക്ക് കഴിയണം.
രാതി നമസ്കാരം:
രാത്രി നമസ്കാരം ഒരു വിശ്വാസിയുടെ നല്ല ആയുധമാണ്. അവന് രണ്ട് ലോകത്തും വിജയം നേടാൻ അത് മുഖേന സാധിക്കും. രാത്രിയുടെ അന്ത്യയാമങ്ങളിൽ നമസ്കരിക്കുതാണ് കൂടുതൽ ഉത്തമം, എല്ലാവരും ഉറങ്ങുമ്പോൾ അല്ലാ ഹുവിന്റെ മുന്നിൽ വന്ന് പറയാനുള്ളത് പറയുമ്പോൾ അതിന് വലിയ പ്രാധാന്യം തന്നെയാണ്.
ഈ കാര്യങ്ങൾ ചെയ്യുന്നവർക്കാണ് സ്വർഗത്തിൽ ഒരുക്കി വെച്ചിട്ടുള്ള പ്രത്യേക ഭവനങ്ങൾ ലഭിക്കുന്നത്.