വിശുദ്ധ റമളാൻ – ചോദ്യങ്ങൾ

(4) നോമ്പനുഷ്ഠിക്കുക വഴി ഒരു വിശ്വാസിയിൽ എങ്ങിനെയാണ് ‘തഖ്വ’യുണ്ടാവുക?

ദുർഘടമായ പാതയിലൂടെ സഞ്ചരിക്കുന്നയാളിനുണ്ടാകുന്ന ശ്രദ്ധയെ സൂക്ഷതാബോധം അഥവാ തഖ്വാഎന്ന് ഭാഷാപരമായി പറയാം. മരണംവരെയുള്ള ജീവിതത്തിൽ ഓരോ സെക്കളും ചിലവഴിക്കുന്നത് റബ്ബിന്റെ ഇഷ്ടത്തിനനുസരിച്ചായിരിക്കണം ഇതാണ് തഖ്വ. നോമ്പുമൂലം ഇത്തരത്തിലുളള തഖ്വ ഉണ്ടാക്കിയെടുക്കാൻ കഴിയുന്നു. കൈകളെയും, നാവിനേയും, വികാരങ്ങളെപ്പോലും നോമ്പുമൂലം നിയന്ത്രിക്കുവാൻ കഴിയുന്നു. നോമ്പല്ലാത്ത സമയങ്ങളിൽ അനുവദനീയമായിരുന്ന ആഹാരപാനീയങ്ങൾ, ഇണചേരൽ മുതലായവ നാമ്പിൽ വർജിക്കുന്ന വിശ്വാസി പിന്നീട് എങ്ങിനെയാണ് വ്യഭിചാരം, നിഷിദ്ധ സംമ്പാദ്യം, അശ്ലീല സംസാരങ്ങൾ, പ്രവർത്തനങ്ങൾ തുടങ്ങിയ ചീത്തപ്രവർത്തനങ്ങളെ സമീപിക്കുക?. അതുകൊണ്ടാണ് നോമ്പ് ഒരു പരിചയാണന്ന്പ്രവാചകൻ  (സ)  പരിചയപ്പെടുത്തിയത്.

(5) നോമ്പിന്റെ ശ്രേഷ്ഠതയുമായി ബന്ധപെട്ടുവന്ന ഹദീസുകൾ ഏതൊക്കെയാണ്? നോമ്പിന്റെ അശ്രഷ്ഠതയുമായി വന്ന ചില ഹദീസുകൾ ഇപ്രകാരമാണ്;

1 . പാപങ്ങൾ പൊറുക്കാൻ കാരണമാകുന്നു

നബി  (സ) പറഞ്ഞു: “വിശ്വാസത്തോടെയും പ്രതിഫലേഛയോടെയും ആരെങ്കിലും റമദാനിൽ നോമ്പനുഷ്ഠിച്ചാൽ അവന്റെ മുൻകഴിഞ്ഞ പാപങ്ങൾ പൊറുക്കപ്പെടും” ( ബുഖാരി, മുസ്ലിം ) നബി  (സ)  പറഞ്ഞു: അഞ്ചുനേരത്തെ നമസ്കാരം, ഒരു ജുമുഅ മുതൽ മറ്റൊരു ജുമുഅ വരെ ഒരു റമദാൻ മുതൽ അടുത്ത റമദാൻ വരെ, അവക്കിടയിൽ പ്രവർത്തിച്ച് പാപങ്ങൾ പൊറുക്കപ്പെടുന്നതാകുന്നു. വൻ പാപങ്ങൾ വെടിയപട്ടാൽ” ( മുസ്ലിം )

2 . നോമ്പുകാരന് കയ്യും കണക്കുമില്ലാതെ പ്രതിഫലം ലഭിക്കുന്നു.

നബി  (സ)  പറഞ്ഞു: അല്ലാഹു  (സ)  പറഞ്ഞിരിക്കുന്നു: ആദം സന്തതിയുടെ എല്ലാ പ്രവർത്തനവും അവനാകുന്നു, നോമ്പൊഴിച്ച് അത് എന്നിക്കുളളതാകുന്നു ഞാനാകുന്നു അതിന് പ്രതിഫലം കൊടുക്കുന്നത്. നോമ്പ് ഒരു പരിചയാകുന്നു. നിങ്ങളിൽ ഒരാൾ നോമ്പുനാളിൽ അനാവശ്യമായി സംസാരിക്കുകയോ ബഹളമുണ്ടാക്കുകയോ അരുത്. ഇനി ആരെങ്കിലും അവനെ ശകാരിക്കുകയോ അവനോട് ഏറ്റുമുട്ടാൻ വരികയോ ചെയ്താൽ ഞാൻ നോമ്പുകാരനാണെന്ന് അവൻ പറയട്ടെ. മുഹമ്മദിന്റെ ആത്മാവ് ആരുടെ കയ്യിലാണോ അവൻ തന്നെയാണ സത്യം നോമ്പുകാരന്റെ വായിലെ വാസന അല്ലാഹുവിന്റെയടുക്കൽ കസ്തുരിയുടെ വാസനയേക്കാൾ പരിമള മാണ്. നോമ്പുകാരന് രണ്ട് സന്തോഷങ്ങൾ ഉണ്ട്, നോമ്പ് മുറിക്കുമ്പോൾ അതിന്റെ സന്തോഷവും (നാള) അല്ലാഹുവിനെ കണ്ടുമുട്ടുമ്പോൾ ഉണ്ടാകുന്ന സന്തോഷവും. ( ബുഖാരി, മുസ്ലിം )

നബി  (സ)  പറഞ്ഞു: ആദം സന്തതിയുടെ എല്ലാ പ്രവർത്തനങ്ങളും അവനുതന്നെയാകുന്നു സൽകർമങ്ങൾ പത്ത് മുതൽ എഴുന്നൂറ് ഇരട്ടി വരെ വർദ്ധിപ്പിക്കപ്പെടുന്നു. അല്ലാഹു പറഞ്ഞു: നോമ്പാഴികെ, അത് എനിക്കുളളതാകുന്നു അതുകൊണ്ട് ഞാനാകുന്നു പ്രതിഫലം കൊടുക്കുന്നത്, എനിക്കുവേണ്ടി അവന്റെ ഭക്ഷണവും വികാരവും അവൻ ഉപേക്ഷിക്കുന്നു” (മുസ്ലിം)

3. നോമ്പ് ശുപാർശക്കാരനാകുന്നു.

നബി  (സ) പറഞ്ഞു: നോമ്പും, കുർആനും പരലോകത്ത് ഒരു അടിമക്ക് ശുപാർശ പറയും. നോമ്പ് പറയും: റബ്ബ ഞാൻ അദ്ദേഹത്തിന് വികാരത്തെയും ഭക്ഷണത്തയും തടഞ്ഞുനിർത്തി അതിനാൽ അദ്ദേഹത്തിന്റെ വിഷയത്തിൽ എന്റെ ശുപാർശ സ്വീകരികേണമേ, കർആൻ പറയും: രാത്രി ഞാനദ്ദേഹത്തെ നിദ്രാവിഹീനനാക്കി അതിനാൽ അദ്ദേഹത്തിന്റെ വിഷയത്തിൽ എന്റെ ശുപാർശ സ്വീകരിക്കേണമേ. അപ്പോൾ അവ രണ്ടിന്റേയുംശുപാർശ സ്വീകരിക്കപ്പെടുന്നു. ( അഹദ് )