മുഖവുര

പരമകാരുണികനും കരുണാനിധിയുമായ അല്ലാഹു വിന്റെ നാമത്തിൽ, അവൻറ പ്രവാചകരിലും,  കുടുംബങ്ങളിലും, അനുചരന്മാരിലും  സദാ ശാന്തിയും, സമാധാനവും വർഷിക്കുമാറാവട്ടെ,

മാനവരാശിയുടെ മുന്നിൽ പ്രവാചകതിരുമേനി (ﷺ) യുടെ ജീവിതം തുറന്ന് വെച്ച് രൂപത്തിൽ ഒരാളുടെയും ജീവിതം നമുക്ക് ലോകത്ത് കാണുവാൻ സാധ്യമല്ല, ചെറുതും, വലുതും, നിസ്സാരവുമായിട്ടുള്ള എല്ലാ കാര്യവും അതിൽ അടങ്ങിയിട്ടുണ്ട്. മുസ്ലിം സമൂഹം വിശുദ്ധ ഖുർആനിനോടൊപ്പം പ്രവാചക തിരുമേനിയുടെ ജിവിതചര്യയും പ്രമാണമായി അംഗീകരിക്കുന്നു, ഇസ്ലാമിക ശരീഅത്തനുസരിച്ച് ഒരു പ്രവർത്തനം സൽകർമ്മമായി അംഗീകരിക്കുവാനും, അതിന് പരലോകത്ത് പ്രതിഫലം ലഭിക്കുവാനുമുള്ള നിബന്ധനയിൽപെട്ടതാണ് പ്രവാച ക(ﷺ)യുടെ ജീവിത ചര്യയിൽപെട്ട കാര്യം ചെയ്യുക യെന്നുള്ളത്. ആയതിനാൽ ഒരു മുസ്ലിം തന്റെ ജീവിതത്തിൽ എല്ലാ രംഗങ്ങളിലും പ്രവാചകതിരുമേനിയെ മാതൃകാപുരുഷനായി സ്വീകരിക്കേണ്ടതുണ്ട്. ആധുനിക കാലഘട്ടത്തിൽ പ്രവാചകൻറ ചര്യ എന്താണെന്ന്
ശാസ്ത്രീയമായിതന്നെ നമുക്ക് കണ്ടെത്തുവാൻ സാധിക്കുന്നു. അതിലെ നെല്ലും പതിരും ഉന്നതരായിട്ടുള്ള പണ്ഡിതന്മാർ നമുക്ക് വേർതിരിച്ച് തന്നിട്ടുണ്ട്. അതിനാൽ തന്നെ ഭൗതിക സുഖാസ്വാദനങ്ങൾ അന്വേഷിച്ച് കണ്ടത്തുന്നത് പോലെ മതത്തിൻറ പേരിൽ ചെയ്യുന്ന ഓരോ കാര്യത്തിലും പ്രവാചക ചര്യയെന്താണെന്ന് നാം അന്വേഷിച്ച് കണ്ടെത്തൽ നമ്മുടെ ബാധ്യത യാകുന്നു.

         ഒരു സത്യവിശ്വാസിയുടെ ജീവിതത്തിൽ ഏറ്റവും പ്രധാനപ്പെട്ട കാര്യമാകുന്നു അവൻറ വിവാഹം. വിവാഹവുമായി ഒരുപാട്
അനാചാരങ്ങളും ബിദ്അത്തുകളും നടമാടുന്ന നാടാണ് നമ്മുടെ കേരളം. പ്രവാചകൻ (ﷺ) പറയുന്നത് ഈ ലോകത്ത് നേടാനാവുന്ന ഏറ്റവും നല്ല വിഭവം സദ്വൃത്തയായ ഭാര്യയാകുന്നു.കാരണം ഒരാളുടെ ജീവിതം പൂർണമാകുന്നത് വിവാഹത്തിലൂടെയാണ്, തന്റെ രാവിലും, പകലിലും, രഹസ്യത്തിലും പരസ്യത്തിലും എല്ലാം തന്ന അനുഗമിക്കുന്ന സഹധർമ്മിണിയെ തിരെഞ്ഞെടുക്കുമ്പോൾ
ഒരുപാട് കാര്യങ്ങൾ ശ്രദ്ധിക്കേണ്ടതുണ്ട്, അതോടൊപ്പം തന്നെ വിവാഹ ശേഷം അവളുമായി ഒരുമിച്ച് ജീവിക്കുമ്പോൾ അനുവർത്തിക്കേണ്ട അനേകം മര്യാദകളുമുണ്ട്. ഈ വിഷയത്തിലും പ്രവാചക മാതൃക പാലിക്കുവാൻ ഓരോ മുസ്ലിമും ബാധ്യസ്ഥനാകുന്നു.

        ഈ നൂറ്റാണ്ടിൽ ലോകം ദർശിച്ചിട്ടുള്ള ഏറ്റവും വലിയ ഹദീസ് പണ്ഡിതനായിരുന്ന മുഹമ്മദ് നാസ്വിറുദ്ധീൻ അൽബാനി(റ) ഒരു വിശ്വാസിയുടെ ദാമ്പത്യ ജീവിതം എങ്ങിനെയായിരിക്കണമെന്ന് പ്രവാചകചര്യയിൽ നിന്നും സ്ഥിരപ്പെട്ട ഹദീസിൻറ വെളിച്ചത്തിൽ വിവരിക്കുന്ന ഒരു കൊച്ചു കൃതിയുടെ വിവർത്തനമാണ് നിങ്ങളുടെ കൈകളിൽ, പരിഭാഷ പദാനുപദമാക്കുവാൻ പരമാവധി ശ്രമിച്ചിട്ടുണ്ട്. ഇതിൽ ഉദ്ദരിച്ചിട്ടുള്ള ഹദീസുകൾ ബുഖാരിയും മുസ്ലിമും ഉദ്ദരിച്ചതും, അത് പോലെ മറ്റു ഹദീസ് ഗ്രന്ഥങ്ങളിൽ നിന്നുമുള്ള സ്വഹീഹായ ഹദിസുകളുമാകുന്നു.

        ഓരോ ഹദീസും ഉദ്ദരിക്കുമ്പോൾ അവിടെതന്നെ ആരാണ് ഹദീസ്
ഉദ്ദരിച്ചുട്ടുള്ളതെന്ന് രേഖപ്പെടുത്തിയിട്ടുണ്ട്. എന്നാൽ ഗ്രന്ഥത്തിൻറ വാള്യം, എന്നിവ സാധാരണക്കാര സംബന്ധിച്ചിടത്തോളം ഉപകാരമില്ലാത്തതിനാൽ രേഖപ്പെടുത്തിയിട്ടില്ല, അതാവശ്യമായിവരുന്നവർക്കത് ഈ കിതാബിൻറ അറബി മൂലത്തിൽ നിന്നും ലഭിക്കുന്നതാണ്. ഹദീസുകളിലെ നിവേദകനെ പല സ്ഥലത്തും ഉദ്ദരിച്ചിട്ടില്ല. അൽബാനി പല സ്ഥലത്തും നൽകിയിട്ടുള്ള അടിക്കുറിപ്പുകൾ അത് പോലെ ചേർത്തിട്ടുണ്ട്, എന്നാൽ സാധാരണ വായനക്കാരെ സംബന്ധിച്ചിടത്തോളം ഉപകാരപ്രദമല്ലെന്നു തോന്നിയ ഹദീസിന്റെ നിദാനശാസ്ത്രത്തെ സംബന്ധിച്ചിട്ടുള്ള ചർച്ചകൾ ഉപേക്ഷിച്ചിട്ടുണ്ട്, അത് പോലെ സ്ത്രീകൾക്ക് സ്വർണം നിഷിദ്ധമാണോ, അനുവദനീയമാണോ എന്ന വിഷയത്തിൽ അൽബാനി പണ്ഡിതോചിതവും, പ്രമാണബദ്ധവുമായിട്ടുള്ള വിശാലമായ ഒരു ചർച്ച  നടത്തുന്നുണ്ട്, ഈ ചർച്ച സാധാരണക്കാരെ സംബന്ധിച്ചിടത്തോളം ഉപകാരപ്രദമല്ലാത്തതിനാൽ നാം അത് വിട്ട് കളഞ്ഞിട്ടുണ്ട് അതിന്റെ രത്ന ചുരുക്കം മാത്രമേ നാം ഉദ്ദരിച്ചിട്ടൊള്ളൂ. വിവർത്തനത്തിന് ഞാൻ ഉപയോഗിച്ചിട്ടുള്ള പുസ്തകം ഈജിപ്തിലെ പുസ്തക ശാലയായ ‘ദാറുസ്സലാം’ (120 അസ്ഹർ റോഡ്. പി.ബി. നമ്പർ: അൽ ഗൂറിയ) പുറത്തിറക്കിയിട്ടുള്ള പുതിയ പതിപ്പാണ്. ഈ പതിപ്പിൽ അൽബാനിയെ വിമർശിച്ചിട്ടുള്ളവർക്ക് വിശദമായി ഒരു മറുപടി ഇതിൻറ മുഖവുരയിൽ തന്ന അൽബാനി നൽകുന്നുണ്ട്. ഇത് ഹദീസ് നിദാന ശാസ്ത്ര നിയമങ്ങളും മറ്റും ഉദ്ദരിച്ച് കൊണ്ടുള്ള സുദീർഘമായ ഒരു ചർച്ചയാണ്, പണ്ഡിതന്മാർക്ക് മാത്രം ഉപയോഗപ്പെടുന്നതായത് കൊണ്ട് തന്നെ അതിന്റെ വിവർത്തനം ഇവിടെ ചേർത്തിട്ടില്ല. അത് പോലെ ഈ പുസ്തകത്തിലുള്ള മൂന്നാം പതിപ്പിലെ മുഖവുരയുടെ വിവർത്തനം മാത്രമേ ഇവിടെ ചേർത്തിട്ടൊള്ളൂ. മലയാളഭാഷയിൽ അഗാധപാണ്ഡിത്യം ഇല്ലാത്തതിനാൽ തന്നെ ചില വാചകങ്ങളും പ്രയോഗങ്ങളും വിരസതയുണ്ടാക്കിയേക്കാം അത് സദയം ക്ഷമിക്കണമെന്ന് അപേക്ഷിക്കുകയാണ്. അവസാനമായി അല്ലാഹു ഇതൊരു സൽകർമ്മമായി സ്വീകരിക്കട്ടെയെന്നും, കേരള മുസ്ലീങ്ങൾക്ക് ഉപകാര പ്രദമാവട്ടെയെന്നും പ്രാർത്ഥിക്കുകയാണ്.
പ്രവാചകനിലും, കുടുംബാധികളിലും, അനുചരന്മാരിലും സദാ ശാന്തിയും, സമാധാനവും വർഷിക്കുമാറാവട്ടെ,

വിവർത്തകൻ:
സയ്യിദ് സഅ്ഫർ സ്വാദിഖ്
ജുബൈൽ ദഅ്വാ സെൻറർ
സൗദിഅറേബ്യ