ആതുരസേവനം എന്ന വാക്കിന് വളരെ പരിശുദ്ധമായ ഒരു അർത്ഥം ഉണ്ട്. ആ അർത്ഥത്തിന്റെ മനുഷ്യരൂപങ്ങളാണ് നഴ്സുമാർ. ആതുര സേവനരംഗത്തെ മാലാഖമാർ.. രാത്രികളെ പകലുകളാക്കി ജോലിചെയ്യുന്നവർ.. മാരകരോഗങ്ങ ള്‍ക്കും, പകർച്ചവ്യാധികൾക്കും നടുവില്‍ ധീരമായി നിന്ന് അനേകം മനസ്സുകൾ ക്കും ജീവിതങ്ങൾക്കും സാന്ത്വനം പകർന്നു നൽകുന്നവർ.. അപ്പോഴും ശരീര ക്ഷീണം മൂലം ഒരു കൈയ്യബദ്ധം പോലും സംഭവിക്കരുതേ എന്ന് ആത്മാർത്ഥ മായി പ്രാർത്ഥിക്കുന്നവർ.. വ്രണിതമായ മനസ്സും ശരീരവും, സ്നേഹത്തോടെ, ചെറു പുഞ്ചിരിയോടെ പരിചരിക്കുന്നവർ തന്നെയാണ് അവരിൽ മഹാഭൂരിപക്ഷവും.

പിറന്നുവീഴുന്ന കുഞ്ഞുങ്ങൾ മുതൽ മരണശയ്യയിൽ ജീവിതത്തിന്റെ അന്ത്യനിമിഷങ്ങൾ കാതോർത്തു കിടക്കുന്നവർ വരെ അവരുടെ പരിചരണം അനുഭവിക്കുന്നവരിലുണ്ട്. ജീവിതം നൽകുന്ന അപ്രതീക്ഷിത മുറിവുകളിൽ ഹൃദയവും ശരീരവും തളർന്നു കിടന്നവർ മുതൽ, അനുഗ്രഹമായി തിരിച്ചു കിട്ടുന്ന ജീവിത നിമിഷങ്ങൾക്ക് മുന്നിൽ കൃതജ്ഞത നിർബന്ധമാകുന്ന മനസ്സുകൾ വരെ അവരുടെ സേവനത്തിന്റെ പാതയിൽ നിത്യവും വിടർന്നു നിൽക്കുന്നു…

•┈•✿❁✿•••┈•

അങ്ങനെ ആതുരസേവനരംഗത്ത് കർമ്മനിരതരായ നിങ്ങളോട് വളരെ ഗൗരവത്തിൽ, തികഞ്ഞ ആത്മാർത്ഥതയോടെ ആദരവോടെ ചില കാര്യങ്ങൾ ബോധ്യപ്പെടുത്താൻ ആഗ്രഹിക്കുന്നു. ശ്രദ്ധയോടെ വായിക്കുമല്ലോ? അതോടൊ പ്പം ചിന്തിക്കുകയും ചെയ്യണമെന്ന് ആദ്യം തന്നെ അപേക്ഷിക്കട്ടെ.

മനുഷ്യ ശരീരത്തെക്കുറിച്ച് ഏറ്റവും നന്നായി മനസ്സിലാക്കിയവരാണ് നിങ്ങൾ. ബാഹ്യവും ആന്തരികവുമായ നമ്മുടെ ശരീരാവയവങ്ങളുടെ പ്രവര്‍ത്തനങ്ങള്‍ ക്ക് മുന്നിൽ പലപ്പോഴും നമ്മൾ തന്നെ അത്ഭുതം കൂറി നിന്നു പോകുമെന്ന് പറയേണ്ടതില്ലല്ലോ? നമ്മുടെ ശരീരത്തിലെ ആന്തരിക – ബാഹ്യ അവയവങ്ങളും

അവയുടെ ഘടനയുമെല്ലാം ചില യാഥാർത്ഥ്യങ്ങളിലേക്ക് വിരൽ ചൂണ്ടുന്നുണ്ട്..

•┈•✿❁✿•••┈•

ആരാണ് അത്ഭുതം നിറഞ്ഞ മനുഷ്യ ശരീരം സൃഷ്ടിച്ചത്? ആർക്കും ഒരു ന്യൂനതയും കാണുവാന്‍ സാധിക്കാത്ത വിധം നമ്മുടെ ശരീരത്തിന്റെ രൂപം സംവിധാനിച്ചത് ആരാണ്? ഈ അത്ഭുതം നിറഞ്ഞ ശരീരം ആകസ്മികമായി ഉണ്ടായതാണെന്ന് പറയാൻ സാധിക്കുമോ? മനുഷ്യൻ ജനിക്കുന്നതും മരിക്കുന്ന തും അവന്റെ അനുവാദത്തോടെ അല്ല. അപ്പോൾ ഈ കാര്യങ്ങളുടെ തീരുമാനം ആരുടെ കൈകളിലാണ്?

നാം ജനിക്കുമ്പോൾ ഇവിടെ ഭൂമിയും, ആകാശവും, വെള്ളവുമെല്ലാം ഉണ്ടായിരുന്നില്ലേ? ആരാണ് ഇതെല്ലാം സൃഷ്ടിച്ചത്? ഇതെല്ലാം തനിയെ ഉണ്ടായി എന്നാണോ നാം വിശ്വസിക്കേണ്ടത്? ഒരു മൊട്ടുസൂചിയെങ്കിലും തനിയെ ഉണ്ടാകുമോ? ഇല്ല! എത്ര അധ്വാനം അതിന്റെ പിന്നിലുണ്ട്!!!

അങ്ങനെയെങ്കിൽ ഈ ഭൂമി, ആകാശം, വെള്ളം ഇതെല്ലാം എങ്ങനെ ഉണ്ടായി? തനിയെ ഉണ്ടായി എന്ന് പറയാൻ നമ്മുടെ ബുദ്ധി അനുവദിക്കില്ല. ഇതിന്റെ പിന്നിൽ ഒരു സ്രഷ്ടാവുണ്ട്..! ഉണ്ട്…തീര്‍ച്ചയായും ഉണ്ട്.

സ്രഷ്ടാവ്

•┈•✿❁✿•••┈•

ആരാണ് ആ സ്രഷ്ടാവ്? നമ്മെയും ഈ പ്രപഞ്ചത്തിലെ സകല വസ്തുക്കളെയും സൃഷ്ടിക്കുകയും അവക്ക് ആവശ്യമുളളതെല്ലാം ഒരുക്കിത്തരികയും ചെയ്തവനാ ണ് സ്രഷ്ടാവ്. ചുറ്റുപാടിലേക്ക് കണ്ണോടിച്ചാൽ അവന്റെ അത്ഭുതങ്ങൾ നമുക്ക് കാണാം. അതിലൂടെ അവനെ അറിയാനും ഉൾക്കൊളളാനും ശ്രമിക്കുക.

പ്രവാചകന്മാർ

•┈•✿❁✿•••┈•

സൃഷ്ടിപ്പിന്റെ തുടക്കം മുതൽ തന്നെ മനുഷ്യകുലത്തിന് മാർഗദർശനം നൽകാനായി ദൂതന്മാർ നിയോഗിക്കപ്പെട്ടിട്ടുണ്ട്. ആദം (അ), ഇബ്രാഹിം (അ), മൂസാ (അ), ഈസാ (അ), മുഹമ്മദ് (സ്വ) എന്നിവരെല്ലാം ആ പ്രവാചക ശൃംഖല യിലെ ചില കണ്ണികൾ മാത്രമാണ്. ഇവരുടെയെല്ലാം പ്രബോധന വിഷയങ്ങ ളിൽ പ്രഥമ സ്ഥാനം ഏകദൈവാരാധനക്കായിരുന്നു. എങ്ങിനെയാണ് ഏകദൈവ ത്തെ മാത്രം ആരാധിച്ച് ജീവിക്കേണ്ടത് എന്ന് ആ പ്രവാചകന്മാർ ജീവിച്ച് കാണിച്ച് തന്നിട്ടുമുണ്ട്.

ക്വുർആൻ…

•┈•✿❁✿•••┈•

സ്രഷ്ടാവും സംരക്ഷകനുമായ തമ്പുരാനിൽ നിന്ന് മാനവരാശിക്ക് അവതരിപ്പി ക്കപ്പെട്ട അവസാനത്തെ വേദഗ്രന്ഥമാണ് ഖുർആൻ. അന്ത്യപ്രവാചകനായ മുഹമ്മദ് നബി (സ) യിലൂടെയാണ് ലോകം ഖുർആൻ ശ്രവിച്ചത്. ഈ ലോകത്തെ അവസാനത്തെ മനുഷ്യൻ വരെ സകലരും സ്വീകരിക്കേണ്ട ദൈവിക ഗ്രന്ഥമാണത്. മാനവരാശിക്ക് മുഴുവനുമായി ഇഹപരവിജയം നേടുന്നതിനായി പ്രപഞ്ചനാഥൻഅന്തിമ പ്രവാചകനിലൂടെ അവതരിപ്പിച്ച അവസാന വേദഗ്രന്ഥ മാണ് ഖുർആൻ. ഇത് താങ്കളുടേത് കൂടിയാണ്. ഒരാവർത്തി വായിക്കാൻ ശ്രമിക്കുകയില്ലേ.?

മരണത്തിന് ശേഷം

•┈•✿❁✿•••┈•

മരണം ജീവിതത്തിന്റെ അന്ത്യമല്ല, മറിച്ച് യഥാർത്ഥ ജീവിതത്തിലേക്കുള്ള കവാടമാണ്. മനുഷ്യന്റെ മരണ ശേഷം വീണ്ടും ജീവിപ്പിക്കുകയും മരണത്തിനു മുമ്പ് അവൻ കഴിച്ചുകൂട്ടിയ ജീവിതം വിലയിരുത്തുകയും വിചാരണ നടത്തു കയും ചെയ്യപ്പെടുന്നു. അങ്ങനെ ശരിയും തെറ്റും ബോധ്യപ്പെടുത്തിയ ശേഷം അവരെ ശാശ്വതമായ സ്വർഗീയ സുഖത്തിലേക്ക് അതല്ലെങ്കിൽ ശാശ്വതമായ നരകത്തിലേക്ക് നീക്കുന്നതും ആയിരിക്കും. അവരതിൽ അനന്തമായി കഴി ഞ്ഞു കൂടുകയും ചെയ്യും.

എന്നാൽ മരണാനന്തരം ഒരു ജീവിതമുണ്ട് എന്ന് കേൾക്കുമ്പോൾ ചിലർക്ക് തമാശയായി തോന്നുന്നു. വിവരമില്ലാത്തവരുടെ പഴംപുരാണങ്ങൾ എന്ന് പറഞ്ഞ് അവരത് തള്ളിക്കളയുന്നു. മറ്റുചിലർക്ക് സംശയത്തോടെയുള്ള ദുർബലമായ ഒരു വിശ്വാസമാണുള്ളത്. ഇങ്ങനെയുള്ളവരെല്ലാം ഇഹലോക ജീവിതമാണ് എല്ലാം എന്ന വിശ്വാസത്തിൽ അല്ലാഹുവിനെ മറന്ന് ജീവിക്കുന്നു.

കോടിക്കണക്കിന് മനുഷ്യർ ഈ ഭൂമുഖത്ത് ജീവിച്ചു മരിച്ചു. നമ്മളെല്ലാം ഇപ്പോൾ ജീവിക്കുന്നു. ഒരുപക്ഷെ ഇനിയും എത്രയോ കോടി മനുഷ്യർ വരാനിരിക്കുന്നു. ഈ മനുഷ്യരിൽ നല്ലരുണ്ട്, ചീത്ത മനുഷ്യരുമുണ്ട്. ഈ മനുഷ്യർക്കു മുഴുവനും തുല്യ നീതി നടപ്പാക്കാൻ പറ്റിയ ഏതു കോടതിയുണ്ട് ഈ ലോകത്ത്? പണവും പ്രതാപവുമുള്ളവന് എത്ര വലിയ തെറ്റു ചെയ്താലും അവന്റെ പണം കൊണ്ട് ശിക്ഷയിൽ നിന്ന് രക്ഷപ്പെടാൻ സാധിക്കും. അഥവാ അവനെ ശിക്ഷിച്ചാലോ, എല്ലാ സൗകര്യങ്ങളോടും കൂടിയ നക്ഷത്ര സൗകര്യങ്ങളുള്ള ജയിലായിരിക്കും അവന് കിട്ടുക. നൂറുപേരെ കൊന്ന ഒരു മനുഷ്യന് ഒരൊറ്റ മരണ ശിക്ഷ നൽകിയാൽ ആ നൂറുപേരുടെ വേദനയ്ക്ക് തുല്യമാകുമോ?

കൂടാതെ, മദ്യപാനം, വ്യഭിചാരം, മാതാപിതാക്കളെ ഉപദ്രവിക്കൽ, മാരണം, കളവ് പറയൽ, അസൂയ, പരദൂഷണം, കോപം കൊണ്ടും മോശമായ വാക്കുകൾ കൊണ്ടും മറ്റും മറ്റുള്ളവരുടെ സമാധാനം തകർക്കൽ, മുതലായ തെറ്റുകൾക്കെ ല്ലാം ഇഹലോകത്ത് എന്തെങ്കിലും ശിക്ഷകളുണ്ടോ? ഇനി നിങ്ങളുടെ അവസര മാണ്. ചിന്തിക്കുവാനുള്ള അവസരം. മുകളിൽ താങ്കൾ വായിച്ച് തീർത്ത വരികൾ അബദ്ധമാണെങ്കിൽ തളളിക്കളയാം. എന്തു തന്നെ കേട്ടാലും ചിന്തിക്കാത്തവരും, മരണാനന്തരം ഒരു ജീവിതമില്ല എന്നു കരുതുന്നവരുമായ

ധാരാളം പേർ നമ്മുടെയിടയിലുണ്ട്. വിരലിലെണ്ണാവുന്ന ഏതാനും വർഷങ്ങൾ കൂടി ഇങ്ങനെയൊക്കെത്തന്നെ ജീവിച്ചിട്ട് അവര്‍ മരണപ്പെടും. അതിനു ശേഷം മരണാനന്തരവും ജീവിതമുണ്ട് എന്ന് അനുഭവിച്ച് ബോധ്യപ്പെടുമ്പോൾ മാത്രം വിശ്വസിച്ചാൽ മതി എന്നല്ലാതെ അവരോട് എന്തുപറയാൻ…….?

സമീർ മുണ്ടേരി