കടല്‍
കടലില്‍ തിരകള്‍ പൊങ്ങുന്നു
കരയില്‍ വന്നവ വീഴുന്നു
ഉടനെ തിരികെ പോകുന്നു
വീണ്ടും വന്നവ മറിയുന്നു
കടലൊരു അത്ഭുതമാണല്ലോ
കാണാന്‍ കൗതുകമാണല്ലോ
ആഴം പറയാനില്ലല്ലോ
അത്രയുമധികം ആണല്ലോ
ചന്തം തോന്നും കാണുമ്പോള്‍
ചിന്തിക്കുമ്പോള്‍ ഭയമാണേ
മീനുകളനവധിയുണ്ടല്ലോ
എണ്ണാന്‍ കഴിയുകയില്ലല്ലോ
വമ്പന്‍ സ്രാവുകളുണ്ടല്ലോ
ഭീമന്‍ തിമിംഗലമതിലല്ലോ
അസ്തമയത്തിന്‍ നേരത്ത്
നിന്നാല്‍ കടലിന്‍ തീരത്ത്
കാണാം സുന്ദരമാം കാഴ്ച
പലവര്‍ണത്തിന്‍ നേര്‍കാഴ്ച
അബൂഫായിദ
നേർപഥം വാരിക
Assalamualaikum