നമസ്‌കാരം
അഞ്ച് സമയത്തെ നിസ്‌കാരത്തെ
അല്ലാഹു നിര്‍ബന്ധമാക്കിയല്ലോ
നിത്യമാം സ്വര്‍ഗത്തിലെത്തിടുവാന്‍
നിത്യവും നിസ്‌കാരം വേണം ചേലില്‍
നന്നായ് ശരീരത്തെ വൃത്തിയാക്കാം
നമ്മുടെ വസ്ത്രവും ശുദ്ധമാക്കാം
നബിയുല്ല കാണിച്ചുതന്ന പോലെ
നമ്മള്‍ക്ക് വുളു ചെയ്ത് തയ്യാറാകാം
മുത്ത് നബിയുടെ നിസ്‌കാരത്തിന്‍
രൂപം നാം നന്നായ് പഠിച്ചിടേണം
നില്‍പ്പത് റബ്ബിന്റെ മുമ്പിലെന്ന
ചിന്തയാല്‍ കര്‍മങ്ങള്‍ ചെയ്തിടേണം
ഭക്തിയും വിനയവും വേണമുള്ളില്‍
ഭയവും പ്രതീക്ഷയും കൂടെ വേണം
ചിത്തത്തില്‍ മറ്റുള്ള ചിന്ത വേണ്ടാ
ചന്തത്തില്‍ നിസ്‌കാരം നിര്‍വഹിക്കാം
നില്‍പ്പും റുകൂഉം സുജൂദുമൊക്കെ
കൃത്യമായ് നന്നായി ചെയ്തിടേണം
അര്‍ഥമറിഞ്ഞു നാം പ്രാര്‍ഥിക്കണം
അല്ലാന്റെ കാരുണ്യം തേടിടേണം
ഉസ്മാന്‍ പാലക്കാഴി
നേർപഥം വാരിക
I like this