നമ്മുടെ യാത്ര ഖബറിലേക്ക്

 വിശുദ്ധഖുർആനിലെയും, തിരുസുന്നത്തിലേയും ധാരാളം തെളിവുകൾ കൊണ്ട് സ്ഥിരപ്പെട്ടതാണ് ഖബറിലെ ശിക്ഷയും , അനുഗ്രഹവും . അൽപജ്ഞാനികളും വിവരമില്ലാത്തവരും, അഹങ്കാരികളുമല്ലാതെ അതിനെ നിഷേധിക്കുകയില്ല തന്നെ.

അല്ലാഹു പറയുന്നു : “ രണ്ട് പ്രാവശ്യം നാം അവരെ ശിക്ഷിക്കുന്നതാണ് . പിന്നീട് വമ്പിച്ച ശിക്ഷയിലേക്ക് അവർ തള്ളപ്പെടുന്നതാണ് ‘ ( തൗബ : 101 )

അല്ലാഹു പറയുന്നു : “ അപ്പോൾ അവർ നടത്തിയ കുതന്ത്രങ്ങളുടെ ദുഷ്ഫലങ്ങളിൽ നിന്ന് അല്ലാഹു അദ്ദേഹത്തെ കാത്തു . ഫിർഔന്റെ ആളുകളെ കടുത്തശിക്ഷ വലയം ചെയ്യുകയുമുണ്ടായി . നരകം . രാവിലെയും , വൈക ന്നേരവും അവർ അതിനുമുമ്പിൽ പ്രദർശിക്കപ്പെടും . ആ അന്ത്യസമയം നിലവിൽവരുന്ന ദിവസം ഫിർഔന്റെ ആളുകളെ ഏറ്റവും കഠിന ശിക്ഷയിൽ നിങ്ങൾ പ്രവേശിപ്പിക്കുക ‘ ( എന്ന് കൽപിക്കപ്പെടും ) ( മുഅ്മിൻ : 45 – 46 ) “

ബറാഅ്ബ്നു ആസിബി (റ)  യിൽനിന്ന് നിവേദനം : നബി ( സ ) പറയുന്നു : ‘സുസ്ഥിരമായ വാക്ക് കൊണ്ട് സത്യവിശ്വാസിക ളെ അല്ലാഹു ഉറപ്പിച്ച് നിറുത്തുന്നതാണ് ‘ ( ഇബ്രാഹിം – 27 ) എന്ന ആയത്ത് ഇറങ്ങിയത് ഖബർ ശിക്ഷയുമായി ബന്ധപ്പെട്ട് കൊണ്ടാകുന്നു . എന്നിട്ട് ഖബറാളികളോട് ചോദിക്കപ്പെടും നിന്റെ രക്ഷിതാവാരാണെന്ന്? അവൻ പറയും എന്റെ രക്ഷിതാവ് അല്ലാഹുവും, പ്രവാചകൻ – മുഹമ്മദ് നബിയുമാകുന്നുവെന്ന് . ഇതാണ് അല്ലാഹു പറയുന്നത് ( ഐഹിക ജീവിതത്തിലും, പരലോകത്തും സുസ്ഥിരമായ വാക്ക് കൊണ്ട് സത്യവിശ്വാസികളെ അല്ലാഹു ഉറപ്പിച്ച് നിറുത്തുന്നതാണ് ‘ (ഇബ്രാഹിം – 27 ) ( ബുഖാരി , മുസ്ലിം )

അനസ് ( റ ) വിൽ നിന്ന് നബി (സ്വ) പറയുന്നു : “നിങ്ങൾ മറമാടേണ്ടതില്ലായിരുന്നുവെങ്കിൽ ഖബറിലെ ശിക്ഷ കേൾക്കുവാൻ വേണ്ടി അല്ലാഹുവിനോട് ഞാൻ പ്രാർത്ഥിക്കുമായിരുന്നു” ( മുസ്ലിം )

ഖബറിൽ അനുഗ്രഹവും, ശിക്ഷയും ഉണ്ടെന്ന് വിശുദ്ധ ഖുർആനിന്റെയും, തിരുസുന്നത്തിന്റെയും അടിസ്ഥാനത്തിൽ യാഥാർത്ഥ്യമാണെന്ന് നാം കണ്ടു. “ഉദ്ബ്നു അബ്ദുർറഹ്മാനി” ൽനിന്ന് നിവേദനം: “ഒരു വിശ്വാസി മരിച്ചാൽ അദ്ദേഹത്തെ വഹിക്കുന്നവരോട് വിളിച്ച് പറയും , എന്നെയും കൊണ്ട് വേഗത്തിൽ നടക്കുക, അങ്ങിനെ അദ്ദേഹത്തെ ഖബറിൽ വെച്ചാൽ ഭൂമി അദ്ദേഹ ത്തോട് വിളിച്ചുപറയും, നീ എന്റെ മുകളിലൂടെ നടക്കവെ ഞാൻ നിന്നെ ഇഷ്ടപ്പെട്ടിരുന്നു, നീ ഇപ്പോൾ എന്റെ വയറിൽ ഏറ്റവും ഇഷ്ടപ്പെട്ടവനായിരിക്കുന്നു. ഒരു അവിശ്വാസി മരിച്ചാൽ അദ്ദേഹത്തെ വഹിക്കുന്നവരോട് വിളിച്ച് പറയും നിങ്ങൾ എന്നെ മടക്കുക, തുടർന്നദ്ദേഹത്തെ ഖബറിൽ വെച്ചാൽ ഭൂമി അദ്ദേഹത്തോട് വിളിച്ച് പറയും നീ എന്റെ മുകളിലൂടെ നടക്കവെ എനിക്കേറ്റവും വെറുപ്പുള്ള വനായിരുന്നു നീ, ഇപ്പോഴിതാ എനിക്കേറ്റവും വെറുപ്പുള്ളവനായി, എന്റെ വയറിനുള്ളിൽ. ചില മുൻകാല പണ്ഡിതന്മാർ പറയാറുണ്ട്. എല്ലാദിവസവും ഭൂമി അദ്ദേഹത്തോട് പറയുന്നു: “ അല്ലയോ ആദം സന്തതിയെ, നീ എന്റെ മുകളിലൂടെ നടക്കുന്നു, എന്നാൽ നിന്റെ മടക്കം എന്റെ വയറിലേക്കാകുന്നു, അല്ലയോ ആദം സന്തതിയെ, നീ വ്യത്യസ്ഥമായ ഭക്ഷണം എന്റെ മുകളിൽ വെച്ച് ഭക്ഷിച്ചിരുന്നു , എന്നാൽ എന്റെ വയറിൽവെച്ച് കീടങ്ങളും, പുഴുക്കളും നിന്നെ ഭക്ഷിക്കുന്നതാകുന്നു . ! ! അല്ലയോ ആദം സന്തതിയെ, നീ ചിരിച്ച് കൊണ്ട് എന്റെ മുകളിലൂടെ നടന്നിരുന്നു, എന്നാ ൽ നീ അടുത്ത് തന്നെ എന്റെ വയറിൽവെച്ച് കരയുന്ന താകുന്നു ! അല്ലയോ ആദം സന്തതിയെ, നീ വളരെ സന്തോഷത്തിലായിരുന്നു എന്റെ മുകളിലൂടെ വിഹരിച്ചി രുന്നത്, എന്നാൽ അടുത്ത് തന്നെ നീ ദു:ഖിക്കുന്നതാകുന്നു ! ! അല്ലയോ ആദം സന്തതിയെ, നീ ഒരുപാട് തെറ്റുകൾ കൂമ്പാരമായി ചെയ്ത് കൊണ്ട് എന്റെ മുകളിലൂടെ നടന്നി രുന്നു, എന്നാൽ നീ അടുത്ത് തന്നെ എന്റെ വയറ്റിൽ വെച്ച് അതിന് ശിക്ഷ അനുഭവിക്കുന്നതാകുന്നു ! !