മാതൃകയാവുക
കാരുണ്യത്തിന്റെ കടലാണ് പടച്ചോന്‍
കാര്യങ്ങള്‍ മര്‍ത്യാ നന്നായി ഗ്രഹിച്ചോ
കുറ്റങ്ങള്‍ ചെയ്യാത്തോനായി ജീവിച്ചോ
കുറ്റം ചെയ്താലുടന്‍ നീ മാപ്പു ചോദിച്ചോ
അഹന്തവിട്ട് വിനയമുള്ള മര്‍ത്യനായിടാം
ഇഹപരത്തിന്‍ നന്മ നേടി വിജയിയായിടാം
സഹനശീലം ജീവിതത്തിന്‍ ഭാഗമാക്കിടാം
സഹജരുടെ വേദനയില്‍ പങ്കുചേര്‍ന്നിടാം
തിന്മയുടെ കൂരിരുള്‍ പരന്ന ലോകമാം
നന്മ തന്‍ വെളിച്ചമേകൂ എന്ന് തേടിടാം
ഉള്ളിലായ് വേണമുണ്‍മ എന്നുമോര്‍ത്തിടാം
കള്ളവും ചതി മനസ്സില്‍നിന്നുമകറ്റാം
സത്യദീനിനുത്തമമാം മാര്‍ഗെ നീങ്ങിടാം
സത്യസന്ധരായി വാണു മരണം പുല്‍കിടാം
മുത്ത് റസൂലിന്റെ മാര്‍ഗം നാം തുടര്‍ന്നിടാം
നിത്യജീവിതത്തിലത് നാം പകര്‍ത്തിടാം.
ഇച്ഛയെ നീ പിന്തുടര്‍ന്നാല്‍ പാപിയായിടും
മ്ലേഛനായി മാറി നാട്ടിലാകെയോടിടും
തുച്ഛമാണീ ആയുസ്സെന്ന കാര്യമോര്‍ത്തിടൂ
മെച്ചമുള്ള കര്‍മമിവിടെ ബാക്കിയാക്കിടൂ
ഉസ്മാന്‍ പാലക്കാഴി
നേർപഥം